مقدرتش

نُشر بواسطةجريدة غزل فييونيو 05, 2021

0

جريدة غزل

الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.

مقدرتش ..

مقدرتش أشوف العالم كله قاسي ومهربش ..

مقدرتش أكون طول عمري باقيه ومخَسّرش ..

مقدرتش من الوحده، على أمل إنه يرجع واتاري الوقت بيفوت والعمر مبيرجعش ..

فمقدرتش ..

عتبت كتير واستنيت رده يداوي بيه الجرح ..

وأبسط رد منه، ..

تعبني ..

سنين وسنين بستناك وإنت مُصِر تتعب قلبي وياك ..

سنين بحايل وبدادي فيك عشان تتغير ..

وكإنك حبيت الجرح فقولت لنفسك ليه أتغير ؟..

وكإنك قاصد تعند معايا فتزود غلطاتك أكتر ..

فتحملت، ومقدرتش ..

صبرت كتير لإن نهاية الصبر خير ..

وأنا في النهايه بقيت بير جواه كلام كتير نفسه يحاكيه ومقدرش ..

فمتظلمش ..

عشان أنا اتأذيت ياما ..

ياما ..

ياما حكيت وقالوا إبعدي، وأنا كنت شابكه فيك كإنك دنيتي ..

كنت عزوتي، كنت؛ بس أعمل إي بطلت تحبني ..

خلص معاك وقتي، وإنت عايز بعد م نسيتك أرجع ليك ..

لا، المرادي بلا راجعه، لاتكون فاكرني لسه بموت فيك ..فتضحك عليا بحبك الزايف، فتلاقيني تحت إيديك ..

واعيد الكره من تاني، ويزداد الأمر فتعود أناني ..

و وجع أيامي اللي شبه تابوت مقفول عليا بأحزاني ..

كنت فاكراك حلم بس لقيتك كابوس ..

إفتكرتك حنين، ولقيتك بتدوس ..

وقلبي بقى عجوز وعاجز عن تحمل قسوتك ..

وكل لحظه بتعدي بفتكر فيها كل شيء من نحيتك ..

وجاي عايزني أرجع تاني لحضنك ..

أنا منستش اللي عملته فيا ..

وقلبك كان ليها مكنش ليا ..

كنت فاكره إن هي بس طلعت مش هي ..

الله يسامحك على الجرح اللي سبته فيا ..

والحلم اللي كنت ببنيه .. هدمته، وهدمت كل شيء فيا ..

ف مستحيل ارجع تاني ليك برجليه ..

مستحيل ..

مستحيل ابقىٰ لشيء، أنا عارفه ان معاه وحداني ..

وكسرة قلبي اللي طول الوقت بتعاني ..

فليه تظلم الايد اللي ماسكاك ؟ ..

وانت سايبها ومكلفتش خاطرك تمسكها ..

سايبها!

فليه عايزها ترجعلك ..وانت أذِيتها بكل كِبرَك

ليه مستني لُطفها، وإنت يامامقدرتش ..