"التنمر"|"جريدة غزل"

التنمر

فى منطقة المعز لدين الله الفاطمي، يجلس هنالك ويبدو أنه ينتظر شخصًا ما، بعد مرور عدة دقائق...

عائشة: السلام عليكم

حمزه: وعليكِ السلام ورحمة الله وبركاته، فى معادك بالثانيه

عائشة: منا لما لقيتك بتقولي موضوع فى غاية الأهمية قولت لازم اجي بدري

حمزه: ماشي يختي، المهم ركزي معايا

عائشة: كلي أذانٌ صاغية اتفضل؛

حمزه: بصي ياستي يحىٰ صاحبي ما انتي عارفاه، اتعرض لموقف بايخ اوي، مجموعة شباب مسكوه تريقه علشان يعني هو عنده متلازمة داون، قعد اسبوع كامل ميخرجش م البيت بسبب التنمر

عائشة: اوووبس

حمزه: ف عايزك تتكلمي عن التنمر، ولو انا مثلا نزلت صور أو قولت كلام حلو دا شيء تشيجعي وكدا

عائشة: هقولك بس ركز معايا، بص ياسيدي ٩٠٪ من حالات الانتحار ال بتحصل ف العالم سببها التنمر، بسبب أن فلان عنده حاجه مميزه ربنا خلقه بيها، مع أن احنا لو بصينا كويس هتلاقى الشخص ال عنده Down's syndrome، ده اصلا مميز جدا عني وعنك وعن كل الناس، اصل ربنا لو اخد من حد حاجه من الناحيه التانيه بيديله حاجه تانيه تميزه، الناس دي أذكياء جدا على فكره وعندهم قدرات مش عند اي حد سليم، يعني لو بصينا كويس هتلاقي أن هما ال مميزين مش احنا.

- الفكرة مش هو شكله غريب او مميز،الفكرة ال احنا كلنا مش بنبص ليها  أن زي ما ربنا خلقني كمان خلق الشخص ده، وزي ما ربنا اداني قدرات، كمان ال عندهم Down's syndrome، عندهم قدرات بس كعادتها شعب لازم يتكلم، صح او غلط لازم يتكلم ويبدي رأيه، ال هو ف اغلب الأحوال تريقه وسخريه، بعيدا بقا عن الحلال والحرام، بس كشخص طبيعي المفروض عندي شعور وإحساس لما اشوف فلان وانا عارفه أنه مميز عني، وأقوم اضحك واتريق عليه يبقى انا فعليا ال عندي إعاقة ف تفكيري.

حمزه: دي حقيقه والله ياعائشة، ربنا يهدينا ويرحمنا، طيب لو اتكلمت عنه بشكل إيجابي!؟

عائشة: ااااااه اهو دا بقا ف حد ذاته تنمر آخر

حمزه: نعم!! ازاي بقا؟

عائشة: هقولك ازاي؛ بص ياباشا الإنسان عمره ما هيعرف إنه بيتعرض للتنمر الا لما يشوف كل الناس بتتكلم عنه، بمعنى؛ أن مثلا صاحبك يحىٰ ده لما الشباب ضحكة عليه قعد ف البيت اسبوع، ف لما يلاقيك بتنزل صوره مثلا او بتتكلم بشكل إيجابي عنه هيحس انك بس بتشفق عليه

حمزه: انا حقيقي مش بكون قاصده انا اقصد اقوله انك مميز فعلا

عائشة: عارفه؛ بس ياحمزة انت ممكن تختار وقت تاني غير الوقت ده، متجيش لما حد يتريق عليا تقوم تشكر فيا وتمدحني وانت عارف ان سبب زعلي هو كلام الناس ده، ف اكيد مش هيجي ف بالي غير احساس انك بتشفق عليا، لكن ممكن اختار وقت تاني وتتكلم فيه، وابعد عن الوقت ال سببه الزعل عادي جدا، وافتكر بردو أن الامور لو اخدت حجم كبير هتبقى عرضه لتنمر تاني، والمبالغه فى المدافعه تنمر آخر بردو

حمزه: والخلاصه.

عائشة: الخلاصه ياحمزة أن فعلا لازم نفهم أن ربنا خلقنا واحنا واخدين حقنا ٢٤ قيراط، من صحه لفلوس لاهل، لكل حاجه، اصل ربنا اسمه العدل ف ميجيش فى مخيلة اي انسان انه ربنا مش مديله حقه أو أنه مثلا مظلوم......سلام....

بقلم/ هاجر محمد عرفه.