جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
من تاني بعيد..
- بتعيّط ؟
= وايه الجديد !
- دبلان ؟
= کـَ صداْ حديد !
- بهتان ؟
= كأني وحيد !
- مبسوط ؟
= مشوفتش فرح !
- مجروح ؟
= أكتر مِن جرح !
- بتعيط ؟
= مِن تاني هعيط !
- ودموعك ؟
= أرخص م الميت !
- وعيونك ؟
= لسه بتعيط !
- جسمك ؟
= مهشوش وضعيف !
- نظرك ؟
= أصبحت كفيف !
- بتدوّر ؟
= ع إيه م خلاص !
- فرحك ؟
= مبقاش مقياس !
- ضحكه ؟
= سبتها للناس !
- بسمه ؟
=مرسومه ع الوش !
- حقيقيه ؟
= أديني بغِش !
- حلمك ؟
= صحيت م النوم !
- همّك ؟
= جوايا هموم !
- شمسك ؟
= مداريها غيوم !
- بتعيط ؟
= من تاني هعيط !
- صُحبه ؟
= قهوتي الساده !
- شلّه ؟
= منسي كالعاده !
- شكلك ؟
= عجوز فـِ شباب !
- أيامك ؟
= متاخده غياب !
بوسي سالم طايل
التصنيف
اسكريبت
