تعامد الشمس علي وجه الملك رمسيس الثاني | "جريدة غزل"

بقلم /أشرقت حسن عمر

22 أكتوبر مش تاريخ عادي كدا هنقرأه ونمشي ....النهارده رد مننا للعالم كله، تذكير ليهم مين هي مصر،نعرفهم معني الحضارة،نوريهم سر من أسرارنا....نقولهم حين نذكر مصر نذكر (حضارة،علم،فكر،وجود ع مر التاريخ....)

22 فبراير ,22 أكتوبر بيحصل فيهم أهم ظاهرة كونية ذات فكر بشري في التاريخ.

ع قرب من أسوان بالتحديد في معبد رمسيس الثاني في غرفة قدس الأقداس بتتعامد الشمس ع وجه رمسيس الثاني مرتيين في السنه "اللي سابق ذكرهم" مره يوم مولده ومره يوم توليه العرش....مش دا الأعجاز خالص بالنسبالي الإعجاز الحقيقي هو السؤال اللي جاي ...أزاي الشمس بتتعامد ع التمثال ؟!!! أزاي خططوا لدا؟!!!!

تعالوا نروحوا جولة في علم الفلك:

أعتمد المصري القديم في تحقيق الظاهرة علي علمه بحقيقة فلكية ألا وهي ..."أن الشمس مش بتشرق كل يوم من نفس موضوع الشروق،وأن الشمس بتنحرف كل يوم ربع درجه عن موضع الشروق ،وأن يوم 21 مارس الشمس بتشرق من نقطة الشروق بالضبط وتبدأ تنحرف بتجاه الشمال الشرقي لحد ما توصل لنقطة الشروق مره تانية يوم 21 سبتمبر وتفضل تنحرف برضو كل يوم ربع درجه لكن بالإتجاه الجنوب الشرقي لحد ماتوصل تاني لموضع الشروق يوم 21 مارس وهكذا...

لحد ما وصل المصري القديم أن الشمس بتمر ع كل نقطة ع سطح الأرض مرتين ف السنة....وعشان نحدد تعامد الشمس ع مبني معين بيعتمد ع موقع المبني وتوجيهه.

وع أساس النظرية تم بناء المعبد وعملوا فتحة صغيرة بأبعاد معينة ، بحيث تمر الشمس خلالها وتوصل لغرفة قدس الأقداس اللي فيها أربع تماثيل ....وبكدا تاني يوم لما الشمس تشرق أشعة الشمس هتنحرف ربع درجه عن اليوم اللي قبله وهتصتدم بالحائط ومش هتمر بالفتحة وكدا الظاهرة مش هتحصل ونستنى تانى الشمس تاخد لفتها لحد متمر الدورة التانية ع نفس النقطة.

يعني ف النهاية الموضوع مجاش بالصدفه ، فالتاريخين دول كانوا قبل بناء المعبد يعني الموضوع محتاج حسابات فلكية وجغرافية دقيقة جدا...العظمة الحقيقية أن الحسابات دي أتعملت من أكتر من 3300 سنه ...

كان في مجهود وفكر وتعب ودراية كافية بعلم الفلك عشان يطلعولنا حاجه زي دي ...ظاهرة العالم كله بيستناها مرتين بس ف السنة ،يجوا من كل أنحاء العالم عشان ال20 دقيقة اللي هتحصل فيهم بعد الشروق.

ظاهرة عملوها أجدادنا بعلمهم....نرفعلهم القبعة أعترافاً منا بمجدهم .