جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"لو كان ب إيدي"
كتابة /إسراء الزناتي "شمس"
لو كان ب إيدي اغير وضعي
مكنتش هبخل
ولا كنت هقول ف يوم مليت
أنا زي طفل فقير مالاقي بيت
أنا الطير إلي جناحه مكسور
أنا إلي حلم يشوف النور
ومصلتش لولا حاجه
كانت الأيام محتاجه
واحد قلبه حديد
مش واحد مخذول
عايش ف الدور إنه المبسوط
كُل الموضوع إني بسرد
حزني وشغفي ف شات مقفول
و بقضي اليوم ب العرض وبالطول
ومحدش حَس
أنا بس اتمنيت إني أبقا بخير
لا طلبت نجمه ولا حتي إني أطير
أنا حلمي بيسيط جدًا والله
بحلم بحد يراعي جروحي
بحلم بحد يحس بروحي
يفهم ف غموضي و ف وضوحي
ويقولي تمام..
أن كان على قلبك.. يتعالج
وإن كان على جرحك أمره بسيط٠
ونصيبك ماله؟
أهو نصيبك
ومفهش جديد
مفهوم قصدي إيه بالتحديد
محتاجة الشخص اللي يشوفني
على زي ما أكون
محتاجة الشخص اللي ف نظره
أنا أبقى الكون
ويكون جنبي ، ويكون ضهري
ما يكون ذنبي
ويقولي مع الوقت هنفرح
ويقولي مع الصبر هتفرج
وهتبقي بخير
حزنك يكبر ؟ في رب كبير
هتلاقي حياتك تتغير
من حال لحال..
أصلك صابرة ف كل الأحوال
وحامدة وشاكره ..
وما ليكي ف الاخر غير أجره
والصعب مصيره بالصبر يلين
وافتكري كلام ربنا لما قال
ولنعم أجر الصابرين.
*إسـراء الزنـاتـی♡*
التصنيف
شعر
