جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
قالوا إن الحربية دي جميلة وإن بدلتها شرف
وإن اللي مدخلهاش هتصيبو اللعنة والقرف
مكدبوش
كفاية بس الكارنيه اللي لما تروح أي مكان أقل كلمة يتقالك يا بيه
بس اللي مقالوهوش
إن عقبال ما توصل الباب هتشوف هباب
وقف على الباب من الفجرية
والدفعة محمد جاتلو ضربة شمس ساعة الضهرية
ملحقتش حلمي على نص درجة
وأبويا كان بيقولي روح جوية بالمرة
أهي واخدة أقل من مجموعك
خلاص يابا
قدر الله وما شاء فعل
أهو قدر وخلاص وكلام الناس اقفل ترباس ونام وارتاح
هم كبير من على قلبك انزاح وراح
ابدأ احلم بشيء تقدر تحققة
وبلاش أحلام الخرافات اللي متتحققش
خلاص
ولمّا تحلم اصحى وحاول تحقق حلمك
اصحى وبلاش أوهام.
لـِ عبدالمنعم أحمد عبدالمنعم"مانو".
التصنيف
قصائد
