إلا رسول الله| "جريدة غزل"

- موضوع النهارده مثير للجدل فعلا

= اكيد اكيد الفيديوهات المتداولة ع السوشيال ميديا اليومين دول

- الله ينور عليكي، عايز تغطيه شامله بقا

= اسمع ياسيدي

بوم بوم بوم، رجعنا تاني تاني

نفس التوقيت السنه ال فاتت رئيس فرنسا اساء للنبي محمد صل الله عليه وسلم، ورسام كركتير رسم صور مسيئه ومهينه للنبي، وحصل هجوم غير طبيعي علي فرنسا وقاطعو المنتجات الفرنسيه وفعل هاشتاج والتايم لاين بقا مقلوب حرفيا، i , think طبعا أنها حركة ايجابيه وان المسلم بيحب النبي بالفطره وغيور علي دينه جدا لدرجة حتي لو هو مش بيطبق سنة النبي إلا أنه ميقبلش عليه اهانه ولو حصل اهانه هيدافع عنه بكل الطرق، ال هيا بقت حاجه تعبيريه، بمعني أنها بقت تايم لاين بس، سوشيال ميديا، ودا طبعا أضعف الايمان الرد الغالب بتاعنا ال هو مفيش غير ده.

والموضوع اخد فتره، وتقريبا محدش بقي يتكلم تاني مع العلم أن الإساءة لسه شغاله.

السنه دي حصل نفس الأمر بس من جوا بلدنا بقا، ومش بس كدا دا من الأخوة المسيحين، وطبعا هلاقي تعليق علي كلمة الإخوة بس نعديها، القِس المسيحي، زكريا بطرس، طلع ف برنامج وبيسيء للنبي بطريقة تخلي الواحد يقوم يقتله بامانه، واحد طالع بيقول علي النبي محمد دا واحد عنده شذوذ جنسي، بالفطره الغريزيه ال اتربينا عليها هندافع، ونشتم، ونسب، وطبعا احنا ناسيين الايه، ولا تسبوا الذين يدعون من دون الله فيسبوا الله عدوا بغير علم" بس معلش احنا ناس بتغير علي دينها جدا ياجماعه، وفعّل هاشتجات، والتايم لاين يتقلب تاني، وتشتغل شوية هاشتجات، ال هو أضعف الايمان زي ما بنقول.

طيب خلينا نشوف كدا لما سألنا البابا تواضروس انت ليه مبتوقفوش وبتنهاه عن كدا علي اعتبار أن كلنا واحد وكدا يعني، قال رد مستفز اوي ياجدع، بيقول ايه، ردو عليه انتو، شوف الوقاحه وصلت لفين، وخلي بالك هو قاصد يامعلم.

بس لما ركزت ف كلامه لقيت فعلا هو ازاي يقول كدا، دا في هاشتاجات مولعه الدنيا ع السوشيال ميديا كلها، فلقيت أن المفروض بدل ما اشتم، وأسب، وبالتالي هيترد عليا بردو بإساءه للنبي ال انا المفروض بدافع عنه، استغربت صح!!

طب ما تيجي اقولك حاجه، بطرس زكريا في زيه كتير وبيطلعو علي قنواتهم وبيسئو للنبي محمد، وبيتكلمو عنه بأبشع انواع الكلام، وخلي بالك محدش بيقول هما مين دول، أو يمكن هما عارفين بس عاملين نفسهم مش واخدين بالهم.

بصي ياحبيبي انت وهو، حبك للنبي بيبان ف أفعالك وكلامك، شوفت حد أساء بكلام، رد عليه بكلام بردو، وعرفه مين هو النبي ال هو اوردي عارفه بس بين لزكريا بطرس ده واي حد انك مش هتسمح لمخلوق يسب ف حبيبك، اصل انا بالفطره بحب ديني وبغير عليه، فمتتخيلش نفسك انك هتستفزني لا انا اعرف ارد عليك واعرفك ال يسيء لحبيبي ممكن اعمل فيه ايه.

طبعا مبقولش وقفو هاشتاج، لا خالص هيا ليها دور طبعا بس ضئيل، اثبت نفسك بمديحك للنبي محمد، أفعالك ماشي، كلامك شغال، هاشتاجات ميضرش المهم اثبت نفسك.

عذرا رسول الله، إن قصرت في وصفك، فإن جمالكم لن يوصفا، قد جاءت قديما ذرة من نوركم، قد جمّل الرحمان منها يوسفا

والله لو جد العباقرَ، كلهم فى وصف أفضال لمحمد بن تعرفا.

وُصِف النبي صل الله عليه وسلم، بأنه كان قرءانا يمشي علي الأرض.

بقلم/ هاجر محمد عرفه.