جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
_مليكة يا بت قومي الجيران صحوا على صوتي وأنتِ لسه، أبوكِ زمانه راجع من الصلاة.
_يا ماما حرام عليكِ، سبيني انام هو أنا مش بنتك زي مالك مانتي بتسبيه ينام.
_بطلي رغي على الصبح، وقومي اعملي الشاي.
" أنا مليكة عندي 15 سنة، محجبة، ولسه بدرس بحب عيلتي أوي وبالذات بابا ودا حال عيلتي كل جمعة"
محمد أبو مليكة جه من الصلاة سلم على جميلة.
_ حبيبة قلب بابا، عامله إيه يعيوني؟
_مراتك صحتني يا حمودي، وعماله تزعقلي.
_بتزعقلها لي يا جميلة؟ مش قولتلك مليكة دي قلبي.
_ اشبع بيها يا خويا، أنا رايحة أعمل بقيت الفطار عارفة يا موكوسة لو ملقتكيش ورايا هموتك.
_ سامع بودنك يا حمودي وطلعت لسانها، شوف مراتك بتعمل إيه؟
_ معلش استحمليها زي أمك بردو.
_علشان خطرك بس.
"دخلت مليكة تعمل الفطار مع جميلة، وقعدوا فطروا، ومليكة حطه نقرها من نقر مالك وجميلة.
_ أنا مش عارفة محدش طيقني في البيت لي غير حمودي طبعًا.
_ بت معتيش تقولي حمودي، أنا اللي أقول بس، اسمه بابا.
شايف يا محمد آخر دلعك للرخمة دي.
_ سبيها يا جميلة، كام سنة ومش هتلقيها موجودة.
_والله أنا صعبان عليا اللي هيتجوزها.
_ههه يخفة، قوم ياض هاتلي بيبسي.
_ كنت الشغال بتاعك!
_الله ينور عليك، قوم بقا.
" قام مالك يجيب لمصيبة حياته بيبسي زي ما مسميها، خلصوا الفطار وجميلة بتعمل الغدا ومالك ومليكة بيذاكروا"
_ حبايب بابا أنا عرفت إن دا آخر أسبوع في الامتحانات، إي رأيكم نروح نصيف؟
_ هو دا الكلام اللي يدخل الدماغ يا حمودي.
جميله من المطبخ: بت احترمي نفسك انا اللي أدلعه بس .
_ نفسي أعرف أنتوا هتبطلوا خناقات امتى!
جميلة ومليكة في صوت واحد: خليك في حالك يا موكا.
_ أنا كرهت الاسم دا والله من ساعة الموكا اللي مليكه شربتها.
_ههههههه.
" خلاص اتفقوا إنهم يروحوا الأسبوع الجاي بعد الامتحانات علطول، كل يوم كانت مليكة تقعد تتراخم على جميلة وتنادي لمحمد باباها، وتضرب أخوها روتين كل يوم لغاية آخر يوم الامتحانات"
مالك ومليكة راجعيين من الامتحان فرحانين؛ عشان هيروحوا المصيف.
احنا جيينا يا بشر يالي في البيت.
_ إي صوتكم جايب آخر الشارع يعني جيتوا من الحجاز!
_ خلصنا امتحانات يا ست الكل، بابا فين؟
_ إي دا أول مرة تحترمينا وتحسسيني اننا أمك وأبوك!
_ لا دا عشان آخر يوم امتحان بس متخدوش على كده.
_ لسانك عاوز قصه.
" العيلة كلها على السفرهة واليوم كله خناق بين مليكة وأمها وأخوها، وجه اليوم اللي بعده وبيجهزوا للمصيف كل واحد بيجهز شنطته، كل واحد جهز شنطته للسفر بس جت مكالمة لمحمد"
_ ألو، ازيك يا تامر؟
بتقول إيه!
بس احنا متفقناش على كده
خلاص هشوف الدنيا عندي ، طب السفر امتى؟
النهارده العشاء أنت بتهزر يا تامر
طب باي باي.
_ في إي يا محمد؟
_ لازم أسافر بنجلادش النهاردة يا جميلة.
_ والعيال!
_ انا عارف إنهم هيزعلوا، بس ممكن أوديكي عند حماتي لحد ما أجي.
_طب هروح أقول للعيال، والدموع في عيونها.
_ جميلة.
_ نعم يا محمد.
_بتعيطي ليه؟ أنا رايح أسبوع وجاي إن شاء الله.
_تيجي بالسلامة يا حبيبي.
_شش بطلي عياط؛ علشان العيال أنت عملتي كده هما هيعملو إي هه؟
راحت جميلة لمليكة ومالك.
_ عيال احنا مش مسافرين.
الاتنين في صوت واحد: ليه كده؟
_ عشان أبوكم مسافر النهاردة البلد الغربية اللي كان بيقول عليها.
_ بجد يا ماما ولا بتهزري.
_ أنا ههزر معاكي يا رخمة أنت، وضحكت.
" مالك مسك نفسه ومعيطش ، بس مليكة هي اللي انهارت اول مرة باباها يسافر بلد بعيدة ومن غيرهم"
_ خلاص بقا يا مليكة دا اسبوع بس.
_ لا يا بابا أنت بتضحك عليا، أنت هتقعد كتير!
_ لا والله مش هقعد كتير، أومال فين مالك يا جميلة؟
_ في غرفته.
_ طب أنا هقوم أشوفه.
راح محمد يشوف مالك لقاه بيعيط.
_ إي دا في راجل بيعيط؟
مش هوصيك على أختك وأمك خلي بالك منهم يا بطل.
" جميلة، ومليكة، ومالك راحوا عند جدتهم، ومحمد سافر بنجلادش"
راحو عند جدتهم ومش بيتكلموا خالص، ومليكة قاعدة في غرفتها ومش بتطلع قلبها بيوجعها بس مش بتقول لجميلة، ونفس الحال عند جميلة قلبها بيوجعها بس مش بتقول بردو.
دخلت جميلة الغرفة لمليكة؛ عشان مش عجبها حالها.
_ مالك يا قلبي؟
_مليش يا ماما، أنا كويسة.
_ طب تعالي اقعدي معايا أنا وماما ومرات خالك.
_ لا يا ماما مليش نفس، أنا هقرأ كتاب وأنام شوية.
_ هتفضلي قاعدة لوحدك لحد امتى؟ ابوكي كلمني وطمني عليه.
_ لحد ما يرجع، وعيطت.
_ شش خلاص، لسه ثلاث ايام بس يا عيوني.
" مشت جميلة وزعلانة على بنتها وبتدعي ربنا إن يكون جوزها كويس، مكلمهاش من أول ما سافر وهي قلقانة، ثلاث أيام كأنهم تلت سنين وديمًا مالك ومليكه كل واحد في غرفته.
واخيرا جه اخر يوم اليوم ال العيله كلها مستنيه صحت مليكه بنشاط علشان تنزل دخلت خدت دش ونزلت لقت جدتها بتعيط
_ مالك يا تيته
_ مليش يحبيبه تيته اتعورت شويه من المطبخ
_ متاكده يا تيته _ ايوا طبعا
مليكه مش مصدقه وطلعت تصحي امها
_ ماما ماما اصحي تيته بتعيط ولما سالتها بتقول من المطبخ فاكرني هبله وهصدقها انزلي شوفيها يمكن حد مزعلها
_ ماشي هنزل اهو ي لوكا
وفجاه تلفون جميله رن
_ الو ازيك يا احمد
- بقولك محمد عمل حادثه هو واصحابه ادعوله
_ إي بتقول إيه؟!
- ادعوله يا جميلة، باي.
جميلة مسكت نفسها؛ عشان مليكه اللي وافقة قدمها.
_ يلا يا لوكا انزلي، وأنا جاية وراك.
_ عمي كان بيقولك إي؟
_ كان بيطمن علينا.
_ بقيتو كلكم بتكذبوا، ومشت.
" مشت مليكة، وجميلة قعدت تعيط ودخلت تغسل وشها"
"نزلت جميله وهي نازلة سمعت على السلم عمها وعمتها بيقولوا:
_ يعيني دي صغيرة هتشيل حمل عيلين لوحدها، محمد كان طيب وربنا بيختار الطيب.
_ يلا ربنا يرحمه ويصبرهم.
_ جميلة مش مصدقة ودنها، وبتقول إنهم مش قصدهم عليها وراحت لأمها.
_ ماما.
_ البقاء لله ياحبيبتي.
_ في مين يا ماما؟
_ محمد عمل حادثة وهو جاي، الحديد دخل فيه.
_ لا لا يا ماما، محمد عايش وأنا عارفة!
_ اهدي يا بنتي مش كده.
اغمى على جميلة، والعيال نزلوا علي صوت أمهم.
_ في إي يا تيتا؟
_ أبوكم مات يا مالك.
مليكة شافت جميلة بتقع:
مااااامااا.
فوقوا جميلة، وحالته صعبة
ومليكة طلعت غرفتها، ومالك مع جميله بيعيطوا.
مليكه في غرفتها بتعيط، وبتكلم نفسها.
_ لي يا بابا تعمل كده؟!
سبتنا ليه؟
هنعيش إزاي بعدك؟
مين هيدلعني، ومين هيخرجني؟
يارب كنت خدني أنا وسيبه، هتوحشني أوي، أنا هموت في بعدك يا حمودي، معتش هتراخم عليكم ولا هقولك يا حمودي عشان جميله بتغير، بس ارجعلنا!
" جميلة بتفكر في اللي هيحصل ليهم، ومش مستوعبة الموضوع وعاوزه تروح لحبيبها، بس قررت إنها تعيش عشان عيالهم وهي بقت راجل البيت دلوقتي".
" مالك منهار، وكلام محمد في دماغه مش راضي يروح، إنت راجل البيت وأنا مش موجود، خلي بالك من نفسك وأختك وأمك، وقرر إنو يذاكر كويس؛ علشان يبقا حاجه في المستقبل ويجيب لأهله كل حاجة"
مليكه طول الوقت نايمة ولما بتصحى بتقرأ شوية، وتنام تاني مش قادرة تعيش مع الواقع
وكل واحد بيرجع لحياته تاني، وينسوا محمد والعيلة الصغيرة.
*فراقك يا أبي مثل السكين يقطع في قلبي، عندما أتذكرك وأتذكر كيف كانت حياتنا الجميلة التي انقلبت رأسًا على عقب! هل ترى الناس الذين قلت عنهم سيسعون في إسعادنا، لقد نسوك ونسوا أطفالك اليتامى، لو كنت مكانهم أكنت نسيت اطفالهم؟ (لا) كنت تتذكر أطفالهم وهم على قيد الحياة فماذا ستفعل وهم أموات؟ (رحمك الله يا أبي)*
التصنيف
اسكريبت
اكتر م رائعه احببتها جدا
ردحذفوربنا يطمن قلبك
جميلة يا دودو💚💚💚💚💚💚
ردحذفتحفه ي دودو
ردحذفيسطا اي القمر دا
ردحذفعظمه يا دودو بالتوفيق ❤😊
ردحذف