خيانة الأصدقاء | "جريدة غزل"

"خيانة الأصدقاء"

"كانت تسير باتجاه معاكس لأحدي الفتيات إلي أن اصطدمت بها"

أسماء:اسفه والله مخدتش بالي..

نجلاء:لا متتأسفيش و لا حاجه أنا اللي مخدتش بالي..

أسماء:انا اول مره اشوفك هنا انتي ساكنه هنا ولا اي..

نجلاء بابتسامه: اه لسه جايين جديد بيتنا علي اول الشارع ده انتي ساكنه هنا ..

أسماء بابتسامه :اه في نفس العماره برده..

نجلاء بفرحة:الله يبقي نمشي مع بعض و نتعرف و نبقي صحاب،اي رأيك.

أسماء:معنديش مانع يلا نروح بقا..

نجلاء:ماشي يلا ي صحبتي..

أسماء:ههه يلا...

"سارو مع بعضهم و تبادلو ارقام الهواتف للتحدث و اخذو يتعرفون إلي أن وصلو لمنزلهم".."صعدوا و من حُسن حظهم أن شقه نجلاء و اسماء متواجهة"

نجلاء بضحك:ده كمان نفس الدور لا انا آجي ابات عندكو..

أسماء: تعالي ي قمر ههه.

نجلاء:لا يوم تاني بقا أنا هدخل عشان أمي و علاجها يلا باي..

أسماء:باي.." دخلو و اغلقت كلا منهم الباب"

''أسماء بعد أن دخلت قالت''

أسماء بحقد:يلهوي عليها البت قمر و جميله اوي ي تري بتشتغل و لا اي...ثم قالت و انا مالي أنا دخله أنام.."دخلت و خلدت للنوم سريعا"

*عِند نجلاء*

"دخلت نجلاء غرفت والدتها كي تعطيها علاجها"

نجلاء بغناء و ضحك:اهلا أهلا بأعز الحبايب أهلا..

الام:اي ي عبيطه انتي..

نجلاء:اي ي مامي بغنيلك هقولك علي الي حصل النهارده انا فرحانه قوي ،اتعرفت انهارده على بنت جميله اوي ي مامتي اسمها اسماء و كمان ساكنه في البيت إللي قدامنا..

الام:ماشي ي حبيبتي بس خدي بالك من نفسك و متدلقيش علي حد،و هاتي اخد دوايا..

نجلاء:خدي يمزه بس لي بتقولي كده ي مامتي دي لطيفه و عسوله خالص..

الام:خدي بالك يبنتي برده الدنيا ملهاش امان،و بطلي كلام الشوارع ده .."ضربتها علي يدها بخفه"

نجلاء:حاضر ي مامتي ،أنا رايحه أنام بقا..

الام:يلا روحي يحبيبتي و ما تنسيش تصلي ي موكوسه..

نجلاء:حاضر ي مامتي..

*تاني يوم* 

"خرجت نجلاء من منزلها و تقابلت مع أسماء علي سُلم المنزل"

نجلاء بابتسامه:ازيك ي أسماء عامله ..

أسماء:الحمد لله ي حبيبتي انتي عامله اي .

نجلاء:الحمد لله..

أسماء :انتي رايحه فين كده ي نوجه..

نجلاء يابتسامه:رايحه الكليه و بعد كده هروح الشغل..

أسماء: انتي بتشتغلي و انتي في الكليه..

نجلاء:اه عشان انا و ماما قاعدين لوحدنا و مش عايزه اتقل عليها و كده..

أسماء:طب مكان الشغل بتاعك مش محتاج حد تاني ،أصل انا كمان بدور علي شغل و كده..

نحلاء بتذكر:ايوه الدكتور الي بشتغل عنده كان عايز بنت كمان..

أسماء:بجد..

نجلاء:اه هروح بعد الكليه تعالي معايا، ماشي .

أسماء بابتسامه:ماشي جدا اتصلي عليا بس..

نجلاء بابتسامة:حاضر عيوني يلا باي عشان الحق الكليه..

"خرجت نجلاء تسير بسرعة كبيره كي لا تفوتها محاضرتها"....

"بعد ذهاب نجلاء"

أسماء بحقد في نفسها:دي في كليه و بتشتغل كمان بت مفتحه مش أنا اللي قاعده زي قرد قطع كده لا شغلة و لا مشغله و عايشه علي معاش ابويا..ي غولبيي..

""بعد مرور ثلاث ساعات انتهت نجلاء من محاضرتها ،و عادت الي منزلها اطمئنت علي والدتها،و من ثم خرجت و دقت علي باب شقة أسماء كي يذهبا إلي العمل ""

نجلاء:يلا ي اسماء عشان نروح..

اسماء:حاضر هلبس طرحتي بس..

نحلاء:ماشي هستناكي..

"بعد مرور ثوانِ"

أسماء:يلا ي نوجه..

نجلاء:ماشي يلا... 

"ذهبت الفتيات إلي العمل و قابل دوك العيادة اسماء و وافق علي عملها معهم ، و أصبحن يعملون معاً و يُعاودون معاً و يآكلون معاً و لا يتركون بعضهم و كُل يوم يزيد غل و حقد أسماء ل نجلاء،و مره عام و هم في ذلك الحال ،و لكن في يوم"

نجلاء:أسماء أنا هروح أقبض الجمعيه من أم محمد عشان أجيب فستان أحضر بي حفلة التخرج،أي رأيك تيجي معايه..

أسماء بحقد تحاول إخفائه:ايوه طبعا جايه معاكي بس أي رأيك نروح بكره..

نجلاء بابتسامه:ماشي، أنا رايحه البيت بقا عشان ماما باي..

أسماء بابتسامه مزيفه:ماشي ي حبيبتي باي..

"ذهبت نجلاء ل شقتها، و دخلت لغرفة والدتها"

نجلاء:ماما عامله اي يحبيبتي..

الام:الحمد لله ي بنت قلبي،انتي عامله اي مالك..

نجلاء:مش عارفه ي ماما والله حاسه بخنقه كده، بس عادي كلو هيعدي..

الام: إنشاء الله ي بنوتي..

نجلاء بابتسامة:إنشاء الله هروح أصلي العشا و أنام بقا،عايزه حاجه ي حبيبتي..

الام بابتسامة:لا ي نوجه..

نجلاء:ماشي ي حبيبتي مع السلامه بقا هروح ارتاح.."و غادرت نجلاء الغرفه، و لكن بعد خروجها"

الام في نفسها:هي بتقول مع السلامه لي..

"خلدا الام للنوم أثناء تفكيرها"

"عند أسماء"

"تتحدث في الهاتف"

أسماء بخبث:بقولك ي ماندو في مصلحه كده و عايزاك فيها..

ماندو:ي عيون ماندو بس قوليلي أمتي و فين..

أسماء:بكره في المكان بتاعنا...

ماندو:ألعب ي ابيض..

أسماء:هيهيهي سلام..

"اسماء و هي تفكر كيف ستأتي بأسماء إلي المكان الذي تتحدث عنه"

أسماء بتفكير:ايوه هجبيب عصير معايا و أحط في منوم..

*في اليوم التالي*

""خرجت نجلاء من غرفتها قاصدة غرفت والدتها""

نجلاء:صباح الخير ي ماما عامله اي..

الام:الحمد لله ي بنتي تعالي .

نجلاء:ماما انتي أسمك اي أصل السؤال ده بيدور في دماغي بقاله فتره..

الام بضحك:أسمي ماسه ي حبيبتي..

نجلاء:طب و سمتيني نجلاء لي ملاقتيش غيره ...

الام و هي تضربها علي رأسها من الخلف بخفه:بطلي لماضه و شوفي رايحه فين..

نجلاء:هروح أقبض الجمعيه و أشتري فستان لحفلة التخرج بتاعتي و أسماء جايه معايه ..

الام :تاني نجلاء مش قولت أبعدي عنها ي نوجه ،حرام عليكي ي بنتي ،نش بتسمعي الكلام لي..

نجلاء:ي ماما و الله هي طيبه مش عارفه أنتي مش بتحبيها لي...

الام:كده مش برتحلها...

نجلاء:خلاص ي ماما واللهي متزعليش مني بقا يمكن أنزل و أموت و مجيش ..

الام بشهقه:أي اللي بتقولي ده ي نوجه في حد يقول كده ي بنتي .

نجلاء بابتسامة:أسفه ي ماما هروح أنا بقا مع السلامه..

الام:هاتي حضن ي بنتي عشان حاسه أنك وحشاني."احتضنتها نجلاء و ذهبت ل أسماء كي يذهبو إلي وجهتهم"

"تقابلت كل من نجلاء و أسماء و كانت نجلاء كلما تقابلت مع أحدهما كانت تُصافحهم بايد و تعانقهم و كأنها تودعهم،وصلا إلي بيت السيده أم محمد لأخذ النقود"

نجلاء:اذيك ي طنط عامله اي...

ام محمد بابتسامه:الحمد لله ي بنتي مجهزالك الجمعيه من بدري خدي اهى ربنا يباركلك فيهم..

نجلاء بابتسامه:شكرا ي طنط هنمشي بقا..

"ذهبت نجلاء و أسماء و أسماء يتآكلها الحقد إلي أن تحدثت أسماء"

أسماء بخبث:تعالي ي نوجه من هنا في محل جديد..

نجلاء بطيبه:ماشي يلا..

*بعد قليل*

نجلاء:دي حته مقطوعه ي أسماء اي الي جابنا منها بس يلا نروح .

"أسماء و هي تعطي أشارة لأحدهم" 

أسماء بغمزه ل ماندو: معاك الموزه ي ماندو يلا بينا بقا..

نجلاء بخوف و فزع:اي ده ي أسماء ه..هو مين ده...

أسماء:أطلعي باللي معاكي ي بت يلا أخلصي و هاتي فلوس الجمعيه و لا أخلي ماندو يعمل الغلط..

نجلاء و هي تتمسك بحقيبتها: لا و النبي ي أسماء عشان خاطري و النبي خليه يبعد عني عشان أمي ربنا يجبر بخاطرك خليه ي مشي..

أسماء بلا مبلاه:خلص ي ماندو جابتلي صداع..

"قام ماندو بطعنها عدة طعنات ب الٓاله الحاده التي تسمي بمطوه ،طعنها عدة طعنات بجسدها و أخذو النقود و هربوا"...حدث كل هذا بدافع غيرة أسماء من نجلاء...

نجلاء و هي تلتقط أنفاسها:ماما حظرتني منك ب بس أنا مسمعتش الكلام، أشهد أن لا إله إلا الله و أن محمد رسول الله..و صعدت الروح ل بارأها..و ماتت نجلاء و هي مبتسمه..

__________________________

أسف أني طولت عليكو لكن أنا لحد دلوقتي مش فاهمه ازاي في واحده تقدر تتفق مع واحد عشان تقتل صحبتها لمجرد أنها غيرانه منها بس أنا شايفاها طبعاً مرض نفسي للأن مفيش حد يعمل كده طبعا إلا إذا كان مريض نفسي بتمني كلكوا تحظروا من الناس لأن مفيش حد يتآمن دلوقتي إلا قليل أتمني تكون و صلتكو فكرتي و ربنا يصبر أي ام علي أبنها الشهيد

_________________________________________

بقلم شغف.