يعقوب لا يمكن أن يعيش بدون يوسف | "جريدة غزل"

"يعقوب لا يمكن أن يعيش بدون يوسف"

      

يعقوب: يلا بقا يا يقين إصحي أنا عارف إنك زعلانة مني والله أنا جيت عشان أصالحك كدا يا يقين أهون عليكِ ده أنا يعقوب حبيبك والله يا يقين لو مقومتيش مش هكلمك تاني. 

دكتور: البقاء لله يا أستاذ اهدى هي راحت للخالقها.

يعقوب: انت عبيط! انت بتقول إيه؟ يقين عايشه مماتتش هي بس بتهزر معايا هي بتشوف أنا بحبها أد إيه صح يا يقين قومي قوليلوا يا يقين إنك بتهزري معايا والله مش هزعلك تاني بالله عليكِ قومي متسبنيش أنا مليش غيرك يقين قومي بقا متسبنيش طيب خديني معاكِ مينفعش أكون في مكان من غيرك إنتِ قولتيلي كدا مينفعش نكون غير مع بعض.

الدكتور: خلاص بقا يا أستاذ عايزين نعمل إجراءات الدفن مش كدا.

يعقوب بدموع وعصبية: انت بتقول إيه؟ يقين مش هتروح مكان هي وعدتني بكدا وهي عمرها ما بتخلف وعدها أبدًا يقين قومي بقا قوليلو إنك عايشه.

الدكتور جاب ممرضين وطلعوا يعقوب برا الأوضه وإدولُ حقنة مهدئة.

يعقوب وهو نايم في الحلم.

يعقوب: كدا يا يقين تسيبني لوحدي؟

يقين :------

يعقوب بدموع: فاكره يا يقين لما كنت بقعد أقولك يا يوسف وإنتِ بتدايقي ولما جيتي سألتيني ليه بتقولي كدا قولتلك لأن بحبك قد حب سيدنا يعقوب لأبنه يوسف إنتِ سعتها فرحتي أوي.

يقين----

يعقوب: إنتِ ليه مش بتردي عليا؟ قومي بقا يا يقين.

يقين: انت اللي جرحتني يا يعقوب سلام يا يعقوب.

يعقوب: إنتِ رايحة فين؟ متسبينيش.

صحى يعقوب من نومه لقى نفسوا في أوضته خرج من الأوضة وهو بينهج وراح لأوضة الأطفال لقى يقين قاعده بتعيط راحلها وحضنها جامد وكأنها هتهرب منه.

يعقوب: والله أنا أسف مش هزعلك تاني حقك عليا.

يقين بدموع: انت وجعتني يا يعقوب كدا هونت عليك؟

يعقوب بدموع: وهو لسه متبت فيها والله مش هزعلك تاني عمري في حياتي ما هزعل يوسف بتاعي تاني.

يقين وهي بتمسح دموعها بطفولة: وعد يا يعقوب مش هتزعلني تاني؟

يعقوب: وعد يا روح يعقوب صدقيني عشان مش هقدر على بعدك.

لـِ فاطمة جمال.