جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"غياب"
مساء الخير
على الناس المجروحين اللي مدارين في قلوبهم كلام كتير
هحكي في قصيدتي عن مناديل مليانه دموع وعتاب
وجروح اتردمت بالتراب في سنين غياب
مش شرط تمشي وتبعد وتسيب أثر جارح
يوم الفراق كان من سنين
وبيتعاد قدامي كل يوم كإنه إمبارح
________
الماضي جاي بزياده عليا
وشوه في قلبي وفي الملامح
وكإني كنت أنا الضحية
وهو السفاح البارع
عيوني كانت مغميّه
وقلبي كان طيب
مراية الحب عاميه
والحب فيا عيّب
_____________
حاربت كتير عشان أكسب حُبَك من الدنيا
عافرت كتير لأجل أنساك ولو ثانيه
محتاج لعمري الباقي أرض البستان عشان أبنيه
وليل الدفى
وشمس النور
وميه تسقيه
يا خسارة سنين عمري اللي إتهدت في صحرة سيادة البيه
_________________
وجودك الزايف جمبي كان عِله
كان أملي إنك تعوضني عن باقي الشله
عن صحابي اللي مشيوا
ولا أخويا اللي سابني وحيده وسافر
إنفصال أهلي وكل واحد منهم مهاجر
علاقتي محدوده بجيراني
خوفي من الليالي
وحرماني
من إيد قوية تحتويني
خروجي لوحدي في الشارع
وأشوف نظرات من شاب طامع
إكتئاب الشتا ولوحدي
فطبيعي مين هنا يسمعني؟
حتى الفضفضه بتمنعني
وبشكي قهرتي لحالي
والنتيجه؟
بنت بتدفع تمن حياتها على حساب غلطات الأهالي.
لـِ حنين عبدالنبي.
التصنيف
قصائد
أزال المؤلف هذا التعليق.
ردحذف