ساعة ونص | "جريدة غزل" ‏

"ساعه ونص"

أنت بقالك كام يوم مش كويس... 

عينك باظت مِن كتر ما انت بتبص في التليفون...

قلة تركيز على وقت يضيع وصدرك مليان هباب...

خلاص بقى فكك الحرية مش ليك الموضوع طلع فاكس...

  

ربك مش رايد وابوك مش حابب، بس قلبك عايز وعقلك قلب عليه،

هو في أي...

عارف إنها مِن أصعب فترات حياتك حرفيًا، خلصت ثانوية عامة حتى مخدتش هدنة تريح بالك...

مشاكل في البيت تعب نفسي وهموم وضغط شغل... 

ده أنت حتى أول ما خلصت إمتحان روحت لقيت عزا...

 

بعد ما تنزل مِن المكتب زوق الباب واقفل القفل...

وأعمل نسخة على المفتاح 

أنسى اللي راح...

 

ربك شايل الأحسن صدقني عوض ربنا كبير...

أصبر بس وهتلاقي خير كتير...

أستحمل وأصبر متشخطش وتنطر،

أنا عارف حلك الوحيد أي...

أقعد بس واعملك قهوة مانو على إسمك...

روق كدا وفك ديقتك...

أنت عايز صحابك تقعد معاهم زي الأول ويسمعوك...

تقعد تحكيلهم ويشاركوك 

أحزانك أفراحك نكدك وحتى راخمتك...

 

أو شكلك عايز تحب يا لئيم بس ياخسارة ملكش نصيب أو بالمعنى الأصح مش بتعرف تحب،

ما هي كانت معاك وضيعتها 

خير خير...

ياخرابي حتى القهوة اللي هتفوقك مستنياك تلف وشك وتفور...

تغور صدقني والله اللي متقدركش واللي متحسسكش بوجودك في داهية...

خلاص بقى هات الناهية...

أي مش قادر تتكلم طب بص،

 أنزل أتمشى أو أجرى فرغ وطلع طاقتك... 

 يالا منهم لله اللي كان السبب 

حط السماعه في ودانك وأسمع تامر عاشور أو عمار متسمعش مهرجانات وهبل... 

أو أقولك أسمع الجوكر وعندك أنيس شوشة برضوا بيقول عظمة...

ومتقعدش لوحدك كتير علشان متتعبش... 

ومش كتر ما هي قاعدة ادامك تبصلها كتير...

متفكرش! 

خلاص دا نصيب، أحمد ربك

ما أنت يا عبيط مقولتش للسما على حبك ليها...

ولا نادية على إعجابك...

بس قلبك حب مريم واعترف 

ياااادي القرف أي اللي جاب السيرة متشربش البيرة...

وتقول إنها تنسيك...

ربنا مايديمها عليك...

أنت ممكنتش في حالتك دي مِن تلت أربع سنين...

 

مِن ساعة نور عينك ما دخل حياتك وأنت اتغيرت... 

مشكلتك أنت لما بتحب تحب بجد بتدي كل الحب...

 

فاكر الكلام اللي قلتهولي يوم ما فركشت!!

أفكرك...

_________

كنت لا اعطي نصف الأهتمام...

لا اعطي نصف الشعور...

لا اعطي نصف الحب...

فقدمت كل ما لدي دفعة واحدة فهلكت...

_________________

أعذرني في الكلمة دا أنت اتنفخت، 

فاكر لما عيطت والدمعه نزلت مِن عينك...

 يوم ما الظابط قالك أنت مش هينفع تدخل الحربية علشان النص... 

بقيت واقف على الباب وعمال تبص؛

تبص على الظابط اللي لابس ميري... 

تبص على الطلبة وهما داخلين...

تبص على نفسك وأنت بتعيط،

ياجدع دا أنت عليك جبروت ابن جزمة...

لدرجة يوم ما متلك حد في البلد طلعت الشقة وفتحت نت 

أنت اتهنت...

أنت عيطت لما قعدت تحلم وفجأة الحلم طااار... 

كنت تتمنى إنك تموت ولا تلف وترجع ومتلبس الميري...

تعالى في حضني يا حبيبي،

طب أنت بتعيط لي دلوقتي خلاص 

كله خير صدقني...

 ربنا هيعوض بالخير، ولا ولا أنت نمت...

ربنا يا بني يناولك اللي في بالك... وتصبح على ألف خير.

كتابة: عبدالمنعم مانو