جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"البلكونة"
طلعت روحها أجمل مما كنت أتخيل!
طلعت جميلة بكمل ما تحملها الكلمة من معنى
واضحة
وسوية
ومتصالحة مع نفسها
طويلة على الفاضي همها هو أكلها
قرة عيني ونن عيني كانت أسامي بنسمي بعض بيها
دا حتي يوم الجامعه سابتني وراحت تاخد ورد
مكنتش بتعرف تلعب حجر النرد
شكلها كان طفلة اوووي وهي بتجري في الجنينة
كانت بنتي في عينيا ومش حبيبتي لا
وقعدتها تريح رجليها مش تسكت بقى
لا ازاي
الولا دا شكلة جميل الولا دا شكلة حلو الولا دا قمر
لساني يتشل لو منطقش
طب خدتي بالك من البت الحلوة دي ولا ام عيون زرقة
كل كوم وام شعر اصفر حرير دا كوم تاني
ما هو مينفعش الأحمر دة يسيبني كدة ويمشي!
_______
اي زعلتي دلوقتي؟
ما انتي عمالة تغيظي في امي من الصبح ها
على فكرة أنا كنت بوصفك
كل المواصفات دي فيكي
شكلك كان جميل في الصورة
حسك بنتي طفلة صبية في 2 ابتدائي مش آنسة في
اولى جامعه
بس على فكرة انتي قمورة
أيوة كدة اضحكي وافردي وشك ماشا الله البدر طلع وهل ضية هو ممكن في يوم من الأيام يجي زية
معتقدش
مينفعش
الكلام اللي معايا دا ميأكلش
خلي بالك وانتي مروحة الطريق بيبقي وحش
وانتي لوحدك كدة
كتك نيلة في حلاوتك.
لـِ مانو.
التصنيف
قصائد
