الإرتباط مِن زاوية أُخرى |"جريدة غزل"

الإرتباط مِن زاوية أُخرى

-السلام عليكم 

=اهلاا وعليك السلام ورحمة الله وبركاته

- اخييييرا رجعتي تاني بعد غياب

= هههه عودًا حميدًا بقا، وشكلك جاي بموضوع كمان

- ااه بصراحه، بس قولت أرحب بيكي الاول يعني وكدا

= هههههه ماشي ياعم الله يرحب بيك، ها ايه الموضوع؟؟!

- الإرتباط؛

= تااااااني

- لا بصي المره دي من زوايه مختلفه شويه، انتي هتتكلمي عن مبدأ الشباب ف الارتباط

= !!! الشباب!!!! دا انت ال بتقول كدا؟

- ايوا وايه المشكله، يلا اتفضلي انا سامعك

= بغض النظر يعني عن أن دا موضوع ممكن يثير الجدل، بس اشطات جدا، اسمع يا بيه........

الارتباط عند بعض،وحط خط تحت كلمة بعض دي، عند بعض الشباب ماهو الا وسيله، للوصول لغرض معين تجاه البنت، يكلمها بقا، يوقعها ف حبه ويخلع، يوهمها ويخلع بردو، يوعدها بالجواز وبردووو يخلع، المهم أنه في كل الأحوال بيخلع مش بيستمر، وطبعا بيكون له طريقه معينه كدا يجذب بيها البنت، ونظرا لأن معظم البنات أو بل يكاد يكون كلهم، بيحبو الاهتمام والكلام الحلو ف سهل اوي بالنسباله أنه يوقعهم.

- ثانيه واحده بس، في بنات مبتملش خالص

= اهو النوع ده من البنات هو المرغوب فيه وبشده، تلاقي الشاب بيحاول ويعافر لحد ما يوصل لغرض معين بردو، بس المره دي بيحتلف شويه، البنت لو صدت، يبقي غرضه الاول والاخير أنها تكلمه بس، ترد عليه، ودا لو حصل بقا بالنسباله سهله، وسهله هنا بالمعني الحرفي سهلة المنال، والوصول

- مش بترخص نفسها كدا؟؟!

= بترخص نفسها فعلا، بس بعد محاولات مميته من الوصول اليها، النفس ضعيفه وبتميل لحية اهتمام وكلمتين حلوين، وانت ك شاب عارف وفاهم تأثير ده ع البنت ازاي، ١٠٪ من البنات هيا بس ال مش بتقع ولا بتقتنع باي كلمه وغالبا دول بيكونو بيقروا كتير....

- والخلاصة!!

= الخلاصه هنا، انك عايز واحده بطهارة مريم، من غير ما تصون نفسك زي يوسف، عيب انك تتجوز واحده مشيت معاها، بس عادي تتجوز واحده مشيت مع غيرك، بتشوفو الأمور من ناحيتكو عادي جدا العب بمشاعر غيري، وان هيا بنت اكسر فيها براحتي، وتضحك علي فلانه، وتكدب ع التانيه ونااااسي انك يا حبيب ماما هتشوف ده بعنيك، ف امك،اختك، مراتك، بنتك اي حد قريب منك.

الدنيا بتلف وبتدور، ونفس المشاهد بتتعاد ف خلي بالك..........سلام.

 هاجر مُحمد عرفه