جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"الاستغلال"
-مساء الخير.
=يا مساء الموضوعات المثيرة للجدل.
-مبدأ العلاقات الفاشلة اتكلمي بس بدقة يعني.
=بدقة! دا شكل الموضوع كبير، اسمع يا باشا.
أنا كشخص عندي قدرة رهيبه على الاستغناء، ايوا متستغربش كدا، أنا اه لو حبيت بدي كل الحب والاهتمام والتقدير، وأعاتب، أعاتب كتير اوي، واكون شاريه حتي لو هو بايع، بس كل إنسان وليه طاقه، والطاقه دي اوردي بتخلص، فأنا لما طاقتي تخلص وألاقيك بردو زي ما انت ومفيش ذرة محاوله منك تقولي انك شاري، هستغنى، وعلى فكره دا شيء طبيعي جدا جدا، دي حاجه كدا بالفطره، انت بايعني وانا بقولك بكلام وأفعال اني شارياك، يبقي هتكون مستني مني اني افضل زي ما أنا! بأي منطق؟
تعرف؛ أنا أكتر حاجه تقفلني من اللي قدامي، أنه يعاملني على اني شخص available، يتعامل معايا بمبدأ اني شخص وجودي دائم، واني علشان بحبه يغيب براحته ويرجع.
-ودا اسمه ايه يعني؟
=استغلال؛ اسمه استغلال لأي علاقه، ماهو ده بردو تحت بند العلاقات الفاشله على فكره، ماهو اصل انا هستغلك، يبقي كل انا عايزه منك شوية وقت لطيف وشكرًا جزيلًا على كده، أول ما هزهق هبدأ استغلك.
-عندك حق والله؛ والخلاصه!
=الخلاصه انك هنا بالذات لازم تكون اناني، اناني في مشاعرك، اناني في انك لازم تمشي، تمشي من اي علاقه فيها استنزاف لطاقتك، ومشاعرك، ووقتك كمان، واستغني عن أي حد واي حاجه شايف أن وجودك شيء مستمر، وانه ليه الحق يعاملك بأي طريقه هو عايزها، انت مش دبدوب تتاخد ساعتين وتترمي، الإنسان لو مش هيكون غالي عند نفسه، يبقى ميستناش يكون غالي عند حد سلام.
لـِ هاجر محمد عرفه.
التصنيف
نصوص
