حكاية طفلة |"جريدة غزل"

 حَـكاية طـَفلة

البارت الخامس

*مامتها:* بصت وفضلت ساكته وعيطت وخدتها ف حضنها

*خلود:* ماسكه الفون وعيونها بدمع

*وفجأه صوت الزغاريط بقي ف كل مكان ايوا خلود جابت 96٪!!!،، العماره كلها فرحت ل خلود ومحدش كان متوقع انها تجيب المجموع دا بعد كل المرت بي محدش كان موقع ابدا،، حتى هي ذات نفسها مكنتش متوقعه*

*خلود:* يماماااا انا مشش مصدقه نفسي ي ماما انا خلاص حققت حلمي؟؟ انا صاحيه صح انا مش نايمه يعني دا مش حلم

*مامتها:* ايوا يحببتي مش بتحلمي وحققتي حلمنا كلنا انا فخوره بيكي *زغرطت بصوت عالييي*

*اتصلت بابها وفرحته وجه جرى وفرحان ببنته، تقربيا مكنش أهلها بس الفرحانين، الشارع كله كان فخور بيها ومبسوط عشانها،، بقوا يقولو خلود الجابت 96٪ بنتنا ومتربيه معانا ،، خلود حست انها فعلا عملت معجزه وجريت اتصلت ب رضوي

*خلود:* الو

*رضوي كانت طايرة م الفرحه هي كمان، رضوي جابت 92٪ وكانت مبسوطه جدا،، وفرحت اكتر عشان كانت خايفه ل خلود تشيل حاجه*

*رضوي:* الو، ي دكتور

*خلود:* يقلب الدكتور من جوا، انا مش مصدقه ي رضوي بجد مش مصدقة الحمد لله انا مبسوطه اووييي اويييي ،الف مبروك يصحبتي، وشكرا ع وقفتك جنبي

*رضوي:* شكرا ع اي انتي اختي ،انا فرحانه اويي بجد، بقولك اي هننزل انهاردا اشطا

*خلود:* ايوا اكيد ،كلمي عبدالله ومروان وننزل كلنا

*رضوي:* اتصلي انتي بِ  مروان هتكون احسن يعني ومنها كمان تبركيله

*خلود:* ماشي ،هصلي واكلمه.

*رضوي:* اشطا بايي

*خلود اتوضت وصليت ركعتين وقعدت تشكر ربنا انو مخذلهاش وان انها شبه حققت حلمها وفضلت تتكلم ربنا وتعيط*

*-__________*

عدا حاولي ساعه

*مروان اتصل*

*مروان:* الو ي دكتور

*خلود:* كنت لسه هتصل بيك

*مروان:* اهو يستي اديني سبقتك

*خلود:* ماشي يعم ،طمني عملت اي ؟

*مروان:* الحمد لله جبت 95٪

*خلود زغرطتله ف التليفون وكانت مبسوطة عشان*

*مروان:* مجنونه والله

*خلود:* انا غلطانه يعني ؟؟

*مروان:* لا يستي تشكري *وبيضحك*

*خلود:* صح كنت عايزة اشكرك ع وقفتك جنبي والانت عملته معايا بجد شكرا جدا

*مروان:* شكرا ع اي يعني ؟ مش احنا صحاب؟؟، وبعدين يعني انتي غاليه عندي

*مروان كان نفسه يقولها انو بيحبها بس كان قلقان اويي، فسكت احسن*

*خلود كانت مستنية تعرف هو بيعمل معاها كده، عشان فعلا بيحبها ولا دا طبع في الهو بيساعد صحابه، كانت عاوزه تسأله هو انا الكنت معايا فالمسشتفي!  بس قالت ملوش لزمه هو كده كده صحبي مش اكتر*

*خلود:* ربنا يخليك يمروان والله بجد مش عارفه اقولك اي، آحنا نازلين انهاردا ،كلم عبدالله بقي وابقي عرفني عمل اي

*مروان:* الحمد لله،، جاب 93٪،، خلاص اشطا هكلمه وننزل

*قفلو مع بعض وخلاص كل شاف هيعمل اي عقبال مينزل ،، فرحت خلود كانتت متتوصفش وحسيت انها فعلا حققت جزء م الكانت بتحلم دي،، كانت فرحانه بفرحة الناس ال حواليها ليها وكل الحواليها كانو فرحانين عشانها وخصوصًا مامتها وبابها*

*__________________*

الساعه 6 المغرب،،نزلوا كلهم عشان يقعدوا مع بعض وكل واحد كان فرحان بنجاحه مروان كان عامل يبص ع خلود وهي مبسوطه وفرحان عشانها نفسه يقولها بحبك بس خايف ل تقوله لا! ،، خلود عامله تفكر ي ترا هو لي بيصلي كده طب ف حاجه عايز يقولها وخايف؟ *قطعت تفكيره* *خلود:* بخ سرحان ف اي

*مروان:* عادي مش فِ حاجه معينه

*خلود:* اممممم اوكي

*عبدالله:* جماعه انا مبسوط اويي بجد وفرحان لينا كلنا بجد الف مبروك ي شباب

*رضوي:* دي خطوة حلوه لينا وعقبال مننجح ف باقي حياتنا يارب

عدا الوقت وفضلو يتكلموا ويهزروا وبعدين *خلود:* تعرفوا ي جماعه انا ف مسدج كانت بتجيلي دايما، كنت بفرح اوي لما بقرأها وفضلت احوش المسدج دي فِ برطمان صغير كده وشكلهم لطيف، حقيقي نفسي اعرف مين الببعتهالي

مروان فرح اويي وعينه لمعت وحس انو فعلا قدر يعملها حاجه تفرحها،!!! *ثانية!! ايوا يجماعه مروان هو الكان البيعت لها المسدج دي م اكونت فيك، عشان بس يفرحها ويخلي عندها أمل*

*مروان:* طب كويس والله انك شلتيهم جدعه

كلهمم استغربوا وفضلو بصين له

*مروان:* في اي يجماعه،، انا قصدي يعني عشان نقرأهم احنا كمان وكدة، وريني ي يبنتي

*رضوي:* ايوا ورينا

*خلود طلعت لهم المسدج وقروها*

*عبدالله:* اللي عمل كده شكله بيحبك اوي والله

*مروان:* ايوا بيحبها!

*رضوي:* بس ازاي احنا عندك عالفيس ومش بتوصلنا نفس المسدج؟؟ أو يعني مش بنشوفها

*مروان:* عادي مهي ممكن تتبعتلها برايفت!

*خلود:* انت عرفت منين انها برايفت!!

*مروان:* انا بقول ممكن

*خلود سرحت ل حظه كده الهو ازاي مروان بيتكلم كده وكأنه عارف حاجة عنها!!،، طب لو هو عارف لي ميقوليش؟ يوووه خلود بطلي تفكير بقيي، مروان ملوش علاقه بيكي اصلا*

*خلود:* نا نفسي اعرف مين الكان بيبعتها عشان اشكروا بجد

*مروان وهو بيتكلم ف سره:* تشكريني؟؟ انا لو أطول اجبلك نجمه م السما هعمل كده بس اشوفك فرحانه ومبسوطه، نفسي تعرفي اني أن البعمل كل دا عشان بحبك ي خلود بحبك بجد وعارف انك مش هتصدقي اي حد تاني بعد المصطفى عمله منك لله ي مصطفى!

*خلود:* وبعدين بقى ف عم السرحان دااا، انت يعممم متفوق معانا كده، هي  شغاله دماغك اوي كده!!

*رضوي:* اوووهه انت ارتبط يسطا؟؟ ،،كده متقوليش

*عبدالله:* أخص عليك ونا كمان معرفش!

*مروان:* بااااااسسسس يحبابي بسسس مين دا اللي ارتبط،، جماعة انا محدش يعرفني غيركوا!

*رضوي:* ساد استوري،، معلش معلش بكره تدخل الكليه وتتجوز ويبقى ليك بيتك

*خلود:* ايوا ايوا متزعلش روق رروقق

*________________*

فضلو قاعدين حاولي ساعتين وبعدين كل واحد روح يعني كانت الساعة 8 بليل كده ،خلود روحت كانت مبسوطه جدا وجه ف دماغها مصطفى ل حظه الهو يترا عمل اي؟؟ وبعدين قالت!! ايدا انا مالي اصلا يكش يولع.

*________*

مروان كان فرحان اويي عشان الرسايل بعته عجبت خلود وقدرت تفرحها وقال انو هيستني لحد ميدخلو الجامعة وساعتها يبقى ربنا يسلها مهو صبر بقاله تلت سنين وفضل يدعي انها تكون من نصيبه

*______________*

عبدالله اتصل ب مصطفى عشان يطمن عليه ويشوفوا عمل اي؟

*عبدالله:* اي ي صحبي

*مصطفي:* اي يسطا

*عبدالله:* مال صوتك يسطا!

*مصطفى:* جبت 76٪

*عبدالله:* يعم الحمد لله، منت بردو استهبلت ف اخر الدراسه

*مصطفى:* كان نفسي اخش هندسه، بس الحمد لله مفيش نصيب يارب بس التنسيق يبقى كويس واقدر اخش كليه حلوه

*عبدالله:* أن شاء الله هتخش حقوق أو تربيه ف كذا كليه حلوه وابقي شاطر ف مجالك

*مصطفى:* المهم يسطا ،الف مبروك نا فرحتلك والله يبني،، الف ميلون مبروك ي بشمهندس

*عبدالله:* الله يبارك فيك ي حبيبى

*مصطفى:* بكره ننزل نقعد ع القهوه بقي

*عبدالله:* خلصانه يسطا

*_____________________*

*تاني يوم الصبح.*

خلود صحيت م النوم ولقيت مامتها عمللها مفاجأة جميله اويي.

*مامتها:* قومي ي دكتور قومي كافيه نومم

*خلود:* انا خلصت دروس بقي سبيني نايمه شويه ونبي

*مامتها:* قومي طب شوفي جبتلك اي

*خلود:* شويه وهقوم

*مامتها:* هتنامي يعنني ومش عايزة الايفون؟؟

*اتنطرت م عالسرير وفرحت اويي!! بتقولي ايه ؟؟ ايفون؟؟ بتهزري صح ؟*

*مامتها:* مش هزار انا وعدتك ونتي نفذتي وعدك معايا، وجه الدور عليا بقي

*خلود حضتنها وفرحت اوويي وقلتها انا بحبك اوييي بجد*

*خلود:* الله!! د 11 بروو؟؟ ،، الله بجد بحبااككككك اووييي

*بقولك اي ،انا بقي خلصت ثاوني ونجحت سيبني بقي اخش المطبخ وانا اعملك الاكل اشطا؟؟*

*مامتها:* ييختاااييي ،، ربنا يستر

*خلود:* ماما مش اسلوب ،خليكي واثقه فيا شويه يعني بعد ازنك،، ها هتكلو ايه؟؟

*مامتها:* مكرونه بشاميل ،وكلمي رضوي تيجي تتغدي معانا وساندي

*خلود:* مبقاش في ساندي ي ماما وممكن بلاش كلام فالموضوع دا عشان نسيته!

*مامتها:* حاضر يحببتي نتكلم بعدين

*خلود:* اوكي، هكلم رضوي انا بقي

*________________*

اتصلت ب رضوي وقلتها أنها مامتها جابتلها ايفون وتعالى ونتصور ونعمل تيك توك ونخربها ،، وطلبت م مامت رضوي أن خلود تبات معاهم وكده كده ابو خلود سافر ف شغل،، يعني مامت رضوي مكنتش راضيه الأول وبعدين ام خلود اقنعتها.

*________________*

رضوي راحت عندها وفضلو يتصورا وكانو مبسوطين اويي وفضلو سهرانين بليل، *رضوي:* اقولك ع حاجه بس من غير ضرب!!

*خلود:* متخفيش انا غلبانه مش هعلمك حاجه

*رضوي:* لا خايفه بس هقولك، بصراحة كده ان حاسه ان مروان معجب بيكي

*خلود:* ضحكت وقولتها للأسف ونا كمان حاسه بكده وكمان م اتأكدت أن هو الكان معاياا فالمست..... منك لله خليتني اتكلم لي انا كنت حالفه

*رضوي:* انتي بتقولي اي ؟؟ مين الكان معاكي وعرفتي ازاي!

*خلود:* يوووهه ،، هو يربي انا معرفش اسكت قدمها خالص؟؟

*رضوي:* شكلي انا اللي هضريك والله

*خلود:* بصي تعالى بس جوا والكلام د ميطلعش برا خالص فاهمه؟؟

*رضوي:* اكيد لا احكي

*خلود ووطت صوتها اوي وحكيت كل حاجه م الأول خالصص لحد م الممرضة قالت لها*

*رضوي تنحت شويه كده وقالتها طب هو مقلكيش لي لحد دلوقتي؟؟ طب لي انتي مقولتيلوش؟؟*

*خلود :* الله يحرقك وطي صوتك،، انا اكيد مش هقوله اي وهستني اما هو يقول واوعي تقعي بلسانك وتبقي غبيه زيي كده

*رضوي:* متخفيش انا مش حمارة للدرجايي

*خلود:* في حاجه كمان!

*رضوي:* ثانيه يبقى اكيد هو كمان اللي بيبعت المسدج؟

*خلود:* حسيت، بصي انا واخده قرار اني مش هتعلق بأي حد تاني مهما كان مين حتى لو عملي اي

*رضوي:* يعني انتي مش متعلقه بيا؟ ؟

*خلود:* سيد عيب متقولش كده احنا أهل.

*__________________*

فضلوا بضحكوا ودخلو جيم ببجي كلهم وفضلو يلعبو لحد ما الفجر إذن وصلو ونامو.

*___________*

يعني عدا اسبوع والتنسيق ظهر وخلود جالها صيدلة مرحلة أولى، مروان جاله هندسه مرحلة أولى، عبدلله جاله هندسة مرحلة أولى بس هو حب يدخل السن 

رضوي جالها صيدله بردو وهي حبت تدخل سياسة واقتصاد

مصطفى مجموعة جاب تريبه اما  ساندي شالت مادتين وامتحتنهم ونجحت ودخلت معهد خاص

*_______________________*

عدا سنه وحياتهم مسمترة زي مهي خلود بتروح جمعتها دايما مبتقش تقعد معاهم زي الاول، رضوي نفس الكلام مروان بقي دايما بيكلم خلود أوقات بيخدها وهي مروحه من الجامعه يعني حياتهم اتغيرت تمامآ

*_____________*

ف يوم وخلود مروحه عادي حصلت صدفة وجمعتها بمصطفي تاني! 

*مصطفى لحمها من بعيد وفرح وجرى عليها*

*مصطفى:* خلود!  وحشاني

*خلود:* مصطفي ازيك

*مصطفى:* اي اخبارك ل حس ولا خبر!

*خلود:* مش فاهمه يعني اي هيفيدك لما تعرف اخباري!!

*مصطفى:* اصل احنا كُنا...

*خلود:* م غير تكمل احنا مكناش اي حاجة ي مصطفى كنا صحاب عادي جدا والدنيا بتتغير

*مصطفي:* بس انتي حبتيني صح؟؟

*خلود:* اكتشف انه مكنش حُب، كنت طفله صغيره شوفتك قدامي وكانت كل طفُلتنا سوا لكن مكنش حُب

*مصطفى:* بس كان بيبان ف عين..

*خلود:* انت لي فاكر نفسك حاجه؟؟ نا زيك كنت مفكراني بحبك بس طلعت مش بحبك ولا حبيتك اصلا،، تعرف اني عايزه اشكرك ع الانت عملته ؟؟

*مصطفى:* تشكريني؟

*خلود:* ايوا،، انت اديتني درس حلو اويي بجد شكرا ي مصطفى

*مصطفى:* انا آسف

*خلود:* ثانيه! بتتاسف لي؟؟ مفيش حاجة عشان تتاسف عليها انت فوقتني لنفسي

*تلفونها عامل يرن*

*مصطفى:* هينفع نرجع صحاب زي الأول؟

*خلود:* انت اخترت تبعد عني واخترت طريقك صح!

*مصطفي:* انا فعلا ندمت، بس عالأقل احنا في بينا عشرة

*خلود:* قدرت تأخد قرار وتعيش من غيري ف كمل حياتك من غيري، مبقاش ليك مكان عندي خلاص

*مصطفى:* قدرتِ تنسني الكان بينا؟

*خلود:* ايوا قدرت عادي وبعدين مكنش بينا حاجات جامدة اويي زي منت فاهم

*مصطفى:* ينفع ابقي اسأل عليكي م وقت للتاني؟

*خلود:* انت لي مش فاهم؟ مبقاش ليك وجود ف حياتي خالص ولا تسأل ولا حاجة، وأزاي عايز ترجع تكلمني ونت خطوبتك قريب!! 

*مصطفي:* مين قال اني هخطب؟ 

*خلود:* ساندي كلمت رضوي وعزمتها ع خطوبتكم

*مصطفي:* ساندي جلها عريس تاني واقفت عليه 

*خلود وهي بتضحك:* طب يعم كويس عبقالك 

*مصطفى:* ازاي!  

*خلود:* اي اللي ازاي! هتيجي وحده تنسيك ساندي عادي 

*مصطفى:* اكتشفت اني بحبك انت... 

*خلود:* بقولك اي انا مش فاضيه وعندي مشوار ونت بقالك كتير موقفني ،عاوز حاجه؟ 

*مصطفى:* كل سنه وانتي طيبه عيد ميلادك انهاردا 

*خلود:* ونت طيب ،تسلم 

*مصطفى:* مش هتسالي عرفت أزاي ؟

*خلود:* ميهمنيش اصلا ،بايي 

*خلود سبته ومشيت وحست أن حقها رجع لها*

شافت مين الكان بيتصل وطلع مروان اتصلت بي وكلمتة وقالته معلش كان معايا حوار كده! وحكيته للحصل فرح بردها عليه وقلها كل سنه ونتي طيبه ومنوره حياتي 

*خلود:* ونت طيب يقمرر وربنا يخليك وتفضل دايما موجود 

*مروان:* يااه بقي عندك 19 سنه وبقتي عجوزه!! ،، بس بردو هفضل أكبر منك هاا 

*خلود:* ماشي ي عمو مروان، انا عندي مشوار كده ل ماما ولما اخلص هكلمك وهكلم البت رضوي واخدها معايا

*مروان:* اشطا يقمر باايي 

*__________*

قفلت معاه واتصلت ب رضوي وخلاص رضوي لبست وهتقابلها ونازلين 

*_____________* 

راحوا جابو الحاجات كلها،خلود قالت ل رضوي بمأنك تعبتي معاياا ف تعالى بقي ونقعد نشرب شاي َاحليك ع حاجه حصلت كده 

*رضوي:* منا كده كده جايه اصلا 

*خلود:* اي البجاحه ديي

*رضوي:* يلا يلا

*______*

روحوا وخلاص داخلين البيت خلود بتخبط محدش بيرد بتنرن الجرز بردو

*رضوي:* مش قاااادررهههه اقف ،معاكي المفتاح افتحي بلاش ذكاء

*خلود:* ايوا صح

*فتحت ودخلت لقت الشقة كلها ضلمه ومفيش نور استغربت رضوي نورت النور ولقوا مفاجأة*

الصاله كلها بلالين وأهلها موجودين ومروان وأهله! مروان طلع الدبله وراح وقف قدمها، خلود واقفه ساكته ومصدومه ومامتها واقفه فرحانه ورضوي بتقول ياه اخيرا كلها كملت صح!

*رضوي ومروان ومامتها رتبوا انهم ف عيد ميلاد خلود ال 19 يعملوا ليها مفاجأه ومروان كان مكلم مامتها انو عايز يطلب ايد خلود وكانو رتبوا كل حاجه واتفقوا مع بعض واتفقوا انهم هيقروا الفاتحه يوم عيد ميلادها وجهزوا كل حاجه والحمد لله كل حاجه طلعت مظوبطة*

*خلود:* اي دا ؟؟

*مروان:* بصلها وضحك ،، انا بحبك ي خلود

وقفت ساكته ومش عارفه ترد ونفس الوقت هي كانت مبسوطه اويي وبصت ل مامتها وابوها وأدوها نظره الهو احنا موافقين

*مروان:* هقفل واقف كده كتير؟

*خلود مبتسمة اووي وردت:* لا، مواقفة

*رضوي زغرطت ومامتها ومامته وعبدالله خدو بل حضن وقالها الف مبروك*

مروان لبسها الدبله وقروا الفاتحه واتفقوا أن الخطوبه الأسبوع الجي وبعد ساعه خد خلود ونزلو

*_________*

*مروان:* انا مستني اليوم دا بقالي تلت سنين

*خلود:* كل حاجه بتيجي ف وقتها ،وبتكون أحلا حاجة

*مروان:* بحبك ي خلود

*خلود بصت للدبله اللي ف ايدها وراحت ابتسمت وبصتله وضحكت*

فضلو ماشين شويه وبعدين روحوا

*_______________*

الساعة 2 بليل...

*خلود قاعده بتكتب:* انهاردة يوم عيد ميلادي انهاردا اتولدت م جديد خسرت ناس كتير وكنت حاسه ان حياتي هتقف عليهم مريت بحاجات صعبه كتير ومكنتش عارفه هعدي أزاي وعدت وجه الأحسن منها، الحمد لله، الحمد لله انك ظهرت ف حياتي يمروان غيرتلي لل احسن خليت عندي أمل فالناس وان لسه ف ناس كويسة، الحمدلله انا فعلا مبسوطه ومكنتش متوقعه بقي عندي 19 سنة وحققت حلمي ودخلت صيدلة ودلوقتي الشخص الحبني بجد جه وطلب ايدي ونا الفترة الأخيرة حبيته بصراحة، خطوبتي انا ومروان الأسبوع الجي.

*________*

يوم الخطوبة..

*مصطفى:* مبروك ي صحبي، الف مبروك ي خلود

*خلود:* الله يبارك فيك يمصطفي عقبالك

*مروان:* الله يبارك فيك ي صاصاا

ف حاجه لطيفه حصلت ف الخطوبه وهي أن عبدالله طلب ايد رضوي م مامتها!

*عبدالله ف اخر فترة شاف انها طيبه ومحترمه وجدعه وبقي متعلق بيها وعايزها ومامتها واقفت انها تقابل أهله*

*الخطوبه كانت لطيفة جدا وكانت احسن خطوبة شوفتها فحياتي بجد،، اكتر وقت خلود كانت مبسوطه في وبترقص وطايره م الفرحه*

*________________*

الساعة 1 بليل بعد م روحوا وخرجوا

*مروان، حققتت حلمي وخدت البنت اللي بحبها واتمنيتها طول عمري الحمد لله يارب*

*خلود:* حصلت حاجات مكنتش متوقعه انها تحصل آولها اني نسيت مصطفى بسهوله ومبقتش بفكر في مش مصدقه انه خلاص بقي ماضي، واني قدرت اتخطي حاجات كتير ف حياتي، واني هكمل حياتي مع شخص مكنتش متوقعه اصلا اني اقوله صباح الخير!  دلوقتي بقيت خطيبة *البشمهندش مروان*،، ودي كانت نهاية حكايتي اعتقد انها نهاية لطيفة.

#الدكتور _خلود.

"النهاية"

 دنيا وحيد/حَـكاية طـَفلة