جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"التبرچ"
-مساء الخير.
=يا مساء الأنوار يا إفريقيا.
-جايبلك موضوع بس ايه، حاجه اوريجنال خالص.
=اوريجنال، اممم خير يا سيدى، أنا كلي آذان صاغية.
-عايزك تتكلمي عن البنات بيعملوا من ناحية الحجاب والميكب وكدا ايه الإستفادة من دا؟
=موضوع جميل ومثير جدًا للجدل.
-يعني حاجه زي كدا، اتفضلي.
=موضوع هيحتاج لأكتر من جلسه، تمام.......... نبدأ، بص يا سيدي البنت عامة بتحب تكون تحت الأنظار، بتحب تثبت وجودها، اللي هو أنا موجوده، بأي طريقه بقا، تبرچ ماشي، على سبيل لفت النظر ماشي، على أساس إثارة الفتنه بردو شغال، عن طريق الدين والإلتزام بردو مش هقول لا، المهم إنها لازم تثبت وجودها؛ الفكرة هنا إن في بنات شايفه إنها كدا متحضره ومتحرره، أنا حره إذا أنا أفعل ما أريد، اللي هو لا استني يا حجة مش دا مش دا.
-عندي سؤال، لما هي بتكون عارفه إنها بتلفت النظر بتعمل كدا ليه مع إنها هتفضل في الآخر؟!
=سؤال جميل، وهحاول أجاوبك الإجابه المقنعه، أنت كشاب ايه أكتر حاجه ممكن تلفت نظرك للبنت؟!
-يعني أنا كشاب اللي بيلفت نظرى، جسمها.
=جسمها! دا أنت هتتشلوح شلوحة السنين، بس ماشي، شوف بقا إجابة سؤالك، هي بتنجح في تنفيذ غرضك أنت، بمعنى، إنك بتكون عايزها تتبرچ تنفيذًا لرغبة حضرتك اللي هي جسمها اللي أنت بتكون عايز تشوفه، وطبعًا بتيجي تقول وأنا مالى ما هي اللي مبينه جسمها، الفكره هنا إنك مطالب تغض بصرك، وهي مطالبه إنها متثيرش الفتنه، يعني كل واحد له حق، وعليه واجب.
-تمام، بس يعني هي البنت نفسها بتستفاد ايه؟
=هو للأسف هي مش بتستفاد، هي بتخسر، وللأسف مبتبقاش مدركه دا، المشكله إنها كمان بتكون شايفه نفسها جميلة، هي جميلة فعلا، بس من برا بس مش من جوا.
-والخلاصة!
=هو الموضوع دا بالذات مفيش فيه خلاصه، بس هجبلك المفيد في اللي اتقال بس النهارده؛ البنت عباره عن سلعة، ومتستغربش من كلمة سلعه دي، هي يا تكون سلعه مفيده، وتحافظ علي نفسها وتصون نفسها، يا تكون سلعه رخيصه الكل هياخدها ويرميها وفي الحاله دي هتبقى ملهاش اي تلاته لازمه، فأنا يا أكون بنت عارفه ديني وأكون عارفه يعني أي بنت بجد ومحاولش اني أثبت وجودي بطرق رخيصه، أو يا أكون بنت وبرخص نفسي بكل الطرق لأي حد سلام.
لـِ هاجر محمد عرفه
التصنيف
اسكريبت
