جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"جريمة الإسماعلية"
ناس بتموت كل يوم
ومش هنحكي ونقول
لأن دي مش قضيتنا
هنتكلم عن اللي شافها
ومتحرقش حرقتنا
كل بلد وفيها جميع الأنواع
لكن الإسماعلية غيرت الأوضاع
الناس في خوف وصراع
والدم الحامي منكم ضاع
دبيحة ووقعت قدامكم
وبتتقطع وانتوا واقفين
الله يلعن كل اللي شافوه
وفضلوا يصوروا وساكتين
ذنبو في رقبتكم ليوم الدين
اللي مات حي عند اللي خلقه
وانتوا دنيا وآخره ميتين
انتوا عديتوا كل الصفات
انتوا شوية أموات
جريمة زي دي قدامكم
وماشين بكل ثبات
فرحتوا بالفيديو وشيرتوه
وانتوا السبب لما سبتوه
لا فيه راجل دمه يسخن
اسم الرجولة بأفعالكم محتوه
مهما كان السبب مهما كان الذنب
للدنيا ليها حاكم الدنيا ليها رب
ايه اللي يوصلنا للوحشية؟
والمصيبة الناس بتصور وحياتهم طبيعية
انا شخص من المليون انا واحد من الميه
شاف الفيديو ومش متخيل
اي حكم يليق بالقضية!
لـِ عبدالرحمن حماده.
التصنيف
قصائد
