جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"جايه ليه"
رجعالي بعد فترة من الغياب
فاكر يومها فارقتيني بدون أسباب
جايه تقولي اسفه، طالبه السماح
كنتي فاكره قلبي ليكي، متاح
هو وجع القلب كدا بالساهل
وجرح الراجل ماهواش سهل
كنت هكون ليكِ بيت وأهل
لكنك اخترتي بُعدي
وإن في يوم لقيتي بعدى
ابقي قولي محبنيش
وإني بعدك عادي هعيش
أصل فُراقك مش فارق
ولا يوم حسيت بيا
دا أنا لما كانت الدنيا تديق عليا
كنت فاكر انك هتهوني عليا
واتاريكي قاصده تخذليني
قال كنت فاكر انك بتحتويني
واتاري كلامك كله كدب
سيبتيني بعدك أعاني
وأنا عمري يوم ما سِبت
جايه ليه وعايزه إيه؟
هو انتي فاكره قلبي ايه
عادي يتساب وينجرح
جاي اقولك لا خلاص
كنتي حد عزيز وغالي
واهو جه وقت الخلاص
والنهايه لابد تكون كدا
كل واحد من طريق
يمكن بعدك اكون غريق
بس عادي يعني هعرف أعيش
وابقي احكي عني دايما
قولي دا كان بيسهر ليا دايما
قولي لاصحابك عليا
دا كان شاريني وكنت بايعه
واحكيلهم اد ايه حبيتك
وفرحت جدا لما لقيتك
واني كنت بايع الدنيا وشاريكي
وان مهما العمر عدى
عمري ما هكون ناسيكي
بس مش هسامحك، غصب عني
جرحك ليا صعب صدقيني
وبالمناسبة هتعيشي بعدي عادي
بس الاكيد انك، مش هتنسيني.
لـِ أحمد كيلاني.
التصنيف
قصائد
