ربك عوضه جميل |"جريدة غزل"

ربك عوضه جميل

خلص معسول الكلام 

وقوام الوشوش ظهرت 

ومن زمان مشكلنا كبرت 

حتى الضحكه فرقتنا ومشيت 

ف انا مليت اعيش ليغيري 

وغيري عايش مع غيري 

انا اللي كرهتك يادنيا 

يمكن يوم تحسي وتغيري 

بس علمتيني اني محدش يستاهل 

وان الحب ملهوش مله وكافر 

لا يعرف فقر ولا سيط 

ولا محتاج توسيط 

ولا تصويت ولا مال ولا سيط 

ولا حتى فقير 

وفي عقل قابل بالبسيط 

وعقل مريض وعقل عبيط 

وانا في النص فار تجريب 

خلاص معدش في مكان 

لكل اللي قال سلام 

لكل شيء قد كان 

وف ثانيه اتحول لكلام 

واحس بعدها اني غريب 

طب اللي عاوز يمشي ويسيب 

ما يسيب 

يعني خلاص الدنيا وقفه 

ولا خلاص مفيش جديد

يعني رمضان مش جي فوقتو 

ولو جه مش هيجي العيد 

طب لما تقرر انك تمشي

هنقص رجل او هنقص ايد 

هو يدوب كاس مر انا شربتو 

ومع الوقت هيغير طعمو 

حب جديد 

حب يعيش في القلب 

ويسكن جوا الوريد 

اما انت ف سيبك لتأنيب الضمير 

وزي ماكسرتني زمان 

برضو ربك عوضو جميل

إياد نصر