انا مش بخير |"جريدة غزل"

انا مش بخير

انا اسف معلش العتب ع القلب 

وانا قلبي ده يشبه  البلاتوه مهما استهلكوه..

بيضل يحس 

ولذلك هقولها بعلو الحس 

انا مش بخير لو كان يهمك حالي 

فات الوقت ومعدش في مجال للبكا تاني 

يريتك ماكنتي جيتيني م الاول

طال الغياب والحزن اهو مطول

يرتني ماكنت حبيتك ولا ف يوم قابتلك صدفة ف الشارع 

يارتني مكنت حسيتك بقلبي  

وقولت مش ممكن بعاد 

ده قلبي ف كل شئ بارع 

زادت المسافات وبقي بينا بلاد وسفر 

بقي بينا عناد وليل تفكير وسهر 

لكن مش هلومك ومش هسال تاني 

عن اخبارك وتفاصيل يومك

ومش هعمل ليكي مكان 

هنساكي لدرجه تخض لدرجه تصد سهامك الطيَشه 

هشوفك بعيني  شيء باهت  

وهكون طويل القامه وايديا هتكون طايله

وهعلن ده بكل وضوح 

انا قلبي ان كان مجروح 

ف ده شئ مهمكيش ومفكرتيش 

ف اي هيكون مصيري 

كنت بشوفني عش وكنتي ليا طيري 

سلام يلي اخدتي كل شيء

خسرت انا المرادي لكني راضي بأدائي 

سلام يلي كنتي دوائي 

 وملجئي من الناس

قفلت خلاص انا بابي 

ومعدتش هكتب عشانك شعر 

اديني الفرصه اعالج فيا ادمانك  

وابيعك بدون سعر 

وانا متشكر 

وحقيقي سعيد علشان اتسبت 

غلطه واكيد اتحسبت ذنب 

واديني بكفرها

وكفايه كلام علشان سكوتي

والله مهواش ضعف 

سعات الصمت رد فعل ضعف الضعف 

وعشان لو اتكلمت مش هسكت 

ولا هيكفي كلامي كتب 

وعشان الكف ع الاذي فرض 

وحتي لو كان المؤذي كلب!

لذلك هتكفي بصمت 

وعن نفسي هكون راضي 

المهم تكوني مرضيه اديني نطقت 

بقلم/ احمد كيلاني.