جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"أحببتها في قضيتي"
جه الصبح وصحيت هالة من النوم وأخدت شاور ولبست ونزلت ورايحه المكتب، وصحي بطلنا إسلام من النوم وخد شاور ولبس ونزل والمجانين التانين مش بيصحوا دلوقتي أصلًا.
وصل إسلام المكتب ولقى هالة باصه في الورق اللي قدامها.
إسلام: احم صباح الخير.
هالة: صباح النور.
إسلام: فين شيرين؟
هالة: البرنسيسة مش بتصحى دلوقتي امال أستاذ يوسف فين؟
إسلام: دا مش بيصحى لو بالطبله البلدي.
هالة: طب تعالى كده في حاجه مش فهماها.
قرب منها إسلام: وريني.
وبقى إسلام لازق فيها عشان يشوف الورق لكن فضلوا باصين لبعض شويه هالة راحت لافه وشها الجمب التاني: ها يلا فهمني.
إسلام في سره: احم ده انتي فصيله.
هالة:, بتقول حاجه؟
إسلام: احم لا وريني.
صحي يوسف من النوم ولبس ونزل ولسه شيرين نايمة وراح يوسف المكتب.
يوسف: صباح الخير.
إسلام: وصباح ليه ما تقول مساء الخير.
يوسف: أصلي محستش بنفسي والله.
هالة: شيرين بتتصل الو شيرين لسه مجتيش لي؟
شيرين: لا ما أنا صحيت بس أنا في مشكلة.
هالة: استر يارب عملتي اي؟
شيرين: مش هقولك في التليفون بس في واحد دماغه مفتوحه.
هالة: يخربيتك.
شيرين: تعالي يا هالة
....: ما تخلصي يا بت.
شيرين: بت لما تبتك.
....: ده انتي عايزه تتربي.
شيرين: هالة تعاليلي عشان أنا هفتح دماغ واحد كمان.
هالة: تمام مسافة السكة متعمليش مشاكل.
يوسف: اي اللي حصل؟
هالة: الأستاذة بتتخانق وفتحت دماغ واحد وبتتخانق مع واحد في القسم.
يوسف: طب خليكي وأنا هروح.
هالة: بس.
يوسف: أنا ظابط يعني هعرف اظبط الموضوع.
وراح يوسف لقى لمه.
يوسف: اي في اي اي اللي بيحصل؟
....: دي واحده لسانها طويل.
شيرين: ما تلم نفسك شكلك عايز تترن علقه كمان وديني ما أنا سيباك
يوسف: خلاص شيرين تعالي ورايا.
ومشيو.
يوسف: بلغ الظابط أيمن يا بني إني موجود.
...: عاش من شافك يا باشا.
ودخل وقالو وبعد سلام طويل.
يوسف: اي بقا المشكله؟
أيمن: الأستاذة فتحت دماغ واحد.
يوسف بصلها وهي بصت في الأرض.
يوسف: واي السبب؟
أيمن: أنا معرفش أسألها.
شيرين: البيه جه وبيعاكسني سبته ومشيت لقيته بيمسك إيدي وبيتحرش بيا.
يوسف حس بنار في قلبه.
يوسف: وضربتيه بإيه؟
شيرين: كان جمبي شومه ضربته بيها على دماغه.
يوسف برق عينيه: انتي اي يا شيخه انتي اي؟
شيرين: امال اسيبه يتحرش بيا؟
يوسف: طب ممكن اشوفه؟
عند هالة وإسلام.
هالة: أنا خايفه اوي شيرين مجنونه.
إسلام: مع إن يبان عليها طيبه.
هالة: طيبه دي فتحت دماغ الراجل لا أنا هروحلهم.
إسلام: طب استني هكلم يوسف اشوفه فين.
هالة: طب بسرعة.
إسلام: خلاص عرفنا.
ومشيو وراحوا المستشفى كل ده ويوسف هيموت من الواد اللي كان عايز يتحرش بشيرين مش عارف لي.
شيرين: متبصليش كده.
يوسف: ما هو حضرتك خارجه بفستان أحمر عايزه اي؟
شيرين: خارجه زي بقيت البنات عادي.
يوسف: ما هو فستان أحمر أكيد ملفت ده بيتخرج بيه لما بتبقي عايزه تتعاكسي.
شيرين: اعرف انك للمره التانيه بتغلط فيا؟
وفجأه جالهم إذن بالدخول دخل يوسف للراجل.
يوسف: ها احكيلي.
الراجل: كانت بتقولي تعالي نروح مش عارف فين يومين.
يوسف قام مسكه خنقه كنت ممكن تقول اي حاجه تانيه اما انك تعيب في شرفها هقتلك فيها.
الراجل: خلاص خلاص انا هقول انا عجبتني اوي وكنت رايح اعزم عليها نروح الساحل يومين لكن رفضت فجيت ايدي مسكت ايدها وكنت هحضنها.
يوسف عنيه جت فييها شراره واحمرت وهجم عليه ده انا هخلص على اللي جابتك.
إسلام دخل عليه: اهدى يا يوسف اهدى وشده بالعافيه.
وشيرين واقفه بره بتعيط وهالة مش عارفه في اي وخرجوا برا.
هالة بهمس لإسلام: اي اللي حصل؟
إسلام بهمس: بعدين.
يوسف متعصب جدا لدرجه انه لو كان شاف اي حد كان قتله وشيرين ماشيه معاه خايفه.
شيرين: اي اللي حصل جوا.
يوسف بغضب: وانتي مالك؟
شيرين بزعيق: هو اي اللي مالي دا موضوعي يعني يهمني.
يوسف قرب منها: بس لما اقولك ملكيش دعوه يبقي ملكيش دعوه.
شيرين بعدت عنه ومشيت.
إسلام راح يوصل هالة عشان الجو ضلم ويوسف ماشي مع شيرين.
شيرين: ما هو أنا مش جاريه عندك قولي اي اللي حصل.
يوسف: الفستان ده ميتخرجش بيه تاني.
شيرين: وانت مالك أنا أخرج باللي أنا عايزاه.
في اللحظه دي يوسف فقد أعصابه وضربها بالقلم شيرين عيطت جامد وجت تمشي هو مسكها من إيديها.
شيرين: سيبني يا متخلف.
يوسف مبيردش عليها وماسكها ووصلها بيتها وطلعها ومشي راح على صالة الألعاب الرياضية وفضل يلعب ويضرب بغل وبعد ما هدي افتكر اللي عمله وكلم إسلام.
إسلام: اي ياعم برن عليك من زمان.
يوسف: عايز اقابلك مخنوق.
إسلام: تعالي أنا في البيت.
وراح البيت وحكي لإسلام.
إسلام: انت غلطان اوي.
يوسف بضيق: عارف لكن أنا مستحملتش.
إسلام: واي اللي خلاك متستحملش.
يوسف: مش عارف.
إسلام: ما يمكن بتحبها؟
يوسف: بحبها انت مجنون انا معرفش يعني اي حب.
إسلام: لا بدليل إنك غيران عليها.
يوسف: معرفش بقا.
إسلام: لازم تصلح غلطتك.
يوسف: بعدين.
إسلام: براحتك.
هالة راحه عند شيرين.
هالة: ما هو لو تقوليلي اي اللي حصل.
شيرين بعياط: ضربني بالقلم الحيوان.
هالة: طب اهدي اهدي استني إسلام بيتصل.
هالة: الو.
يوسف: هالو اعطيني شيرين.
هالة: بس.
يوسف: مبسش.
هالة: خودي كلمي.
شيرين بصراخ: مش عايزه اكلم حد.
هالة: طب اقفل بعد اذنك.
وقفلت.
هالة: اهدي يا شيرين اهدي.
شيرين بتعيط ومش بترد فجأه تليفونها رن شيرين حاولت تمسك نفسها.
شيرين: الو حبيبي عامل اي؟
....: بخير الحمدلله صوتك مش كويس.
شيرين: لا طبعا كويسه يا عموري.
عمر: طب ما تيجي تقعدي معانا يومين خالتك نفسها فيكي اوي.
شيرين بتفكير: أنا اصلا كنت جايالكو.
عمر: بجد طب كويس.
شيرين: اممم هاجيلكو بكره إن شاء الله.
وقفلت.
هالة: انتي ناويه تسافري لبنان؟
شيرين هزت راسها بأه.
هالة: شيرين اعقلي.
شيرين: اعقل اعقل اي ده ضربني وبصراحه بقا أنا عايزه ارتاح.
هالة: براحتك وطلعت تليفونها وبعتت رساله لإسلام بإنها هتسافر.
إسلام: يانهار أسود.
يوسف: اي اللي حصل؟
إسلام: شيرين هتسافر بكره لبنان.
يوسف حط إيديه بين وشه وقعد في مكان مجهول.
....: انت قلت هتراقبها بس مش لدرجه انك تخطفها.
....: أنا هخطف صحبتها عشان هي اللي تجيلي برجليها.
جه الصبح وصحيت شيرين وجهزت نفسها ويوسف اللي منمش ونزلت شيرين بشنطتها ووقفت تاكسي وركبت وقالت إنها عايزه تروح المطار
فجأه هي اخدت بالها إنها راحه مكان تاني.
شيرين: حضرتك ده مش طريق المطار.
....: لا ما هو دا طريق تاني.
شيرين: مفيش مطار من هنا.
...: لا هو دا.
شيرين سكتت ومش عارفه تكلم مين حست إنها محتاجه يوسف كلمته
وحطت الهاند فري في ودنها اللي شعرها مداريها.
يوسف: الو يا شيرين.
شيرين: بتكلم الراجل أنا بقولك ده مش الطريق.
.....: متخيلنيش بقا اه مش هو الطريق.
شيرين: انت واخدني على فين فجأه جه مطب شيرين عملت نفسها اغمي عليها.
يوسف: شيرين انتي كويسه؟
شيرين بهمس: شكلي مخطوفه.
يوسف: طب شوفي المكان ده.
شيرين: أنا مش هعرف.
يوسف: طب خليكي معايا وأنا هوصلك اهم حاجه تليفونك ميفصلش
وفجأة العربيه وقفت وشيرين عملت نفسها مغمي عليها وطلعوها مكان
....: اهي يا باشا.
....: عفارم عليك.
.....: بس الظابط شكله بيحبها.
....: لو بيحبها هيدور عليها.
يتبع.
لـِ أسماء توفيق.
التصنيف
روايات
