جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
هرتلات في الليل
فضلت استنى واداري حكايتنا إلى مستنتش...
ومهما بغني في غيابك وللنسيان...
رجوعك غنوة لسه في قلبي متغنتش...
•أنا نفسي أفهم بتحبي تسمعي رومانسي، وروايات، واحمد كامل، والحجات دي إزاي وأنتِ سنجوله أفهم بقى.
_عارفة لما تبقي لوحدك وسط الناس؟
•لا أفهم إيه جنان الليل ده إزاي وسط الناس وإزاي لوحدك؟
_يعني حواليكِ ناس بس وحيدة.
•مفهمتش بردو بس ممكن أسألك سؤال؟
ليه خايفه تدخلي في علاقة؟ مع إنك بتحبي قصص الحُب والروايات والأغاني الرومانسية!
_اديكِ قولتي قصص، وروايات، وأغاني، صعب ألاقي حد يستحملني، يستحمل تغيُرات مزاجي، أضمن منين أني هفضل سعيدة معاه، أضمن منين أن هيفضل يحبني، أضمن منين إني أكون قد مسؤليه بيت، أضمن منين أني أحس معاه بالأمان، أضمن منين باقي حياتي الي جايه ميبقاش زي الي عدى، السعادة مش في الجواز.
•خايفه تقبلي حد زي باباكِ؟
_يمكن.
•مش كلهم زي بعض.
_مُمكن نصيبي يطلع زي بابا.
•أكيد ربنا هيرزقك بحد كويس.
_وأنا واثقه في ربنا أن هيبعتهولي.
•بتتمنيه؟
_بدعي في صلاتي ربنا يرزقني بيه ويغير حياتي للأحسن مش العكس.
•طب هتعرفى إزاي إن هو؟
_بصي يا ستي هجولك.
•هجولك!!
_اه أهدي بس، بصي عيزاه يجيب معاه اندومي، وشوكلاته، وببيبسي، وهوهوز، وأيس كريم، وشيبسي، ومصاصات، وكارت شحن، علشان رصيدي قرب يخلص، بس أهو حجات بسيطة.
•كُل ده وبسيطة أومال لو مش بسيطة هيبقا أكتر مِن كده إيه أنتِ كده عايزه بقال مش عريس.
_عريس إيه أنا بقولك على عم محمد البقال اتصلي بيه علشان يجبلنا الحجات دي.
سعات بنحاول نهرب مِن الموضوع...
بس القدر هيجمعنا بيه مِن تانى وهنهرب برضو...
منة أحمد ﴿عاشقة الليل﴾
التصنيف
قصص قصيرة
