جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
صاحبة الحزن
ياحزن تايه سابه صاحب نصيبه واختفى
لاقتني؛ فلاقيتك فصعب عليا هذا الجفا
إن الجميع سابك، وبالفرح اكتفى
إن الجميع سابك، ومش بيحنلك
يا حزن كفر بيه الجميع، أنا الوحيد اللي أمنتلك
بتكسر فيا أحلامي
بتزود ليا آلامي
بتخذلني في أوراقي الشعر
نص عمر الحزن ما يكسره
أنا قلبي بيت لك صحبة بتكسره
بكتبلك هذا النص وهسرد للجميع الحكاية
إن البداية كانت مبهرة
وإن الصحبة مكنتش متبخرة زي دلوقتي، مع الوقت
هتكتشف إن كتفك اللي بناهم سنين، هيجيلوا يوم ويتهد، من عامل البعد والمد في المدة
وأنت البعيد قلبك حزين
هياخد على فراقهم عدة
عدة البعد عن الجميع سنين
من بهتانك الجميع هيسألوا أنت مين؟
ومفيش إجابة لهذا السؤال
اتركوا ليا هذا المجال
شعرى هيسود الجميع
أنا مش ببيع
ولا عمرى كنت يوم أناني
لكني قبلت لقلبى الإهانة
الصحبة لمة بس سد خانة
وإن جيت بصيت لشكلي
هتلاقيني مكسور بالأمانة
وإن رزقي عمره ما كان في صحابي
وإن صاحبي سابني بحزن
ومين قال إني في وجود الجميع كنت أحسن؟
اتركوا هذا القلب وارحلوا
أنا حزني لو قتلني بس بيبقى صاحبي يوم ما ترحلوا
آية عبد المولى القاضي
التصنيف
شعر
