جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"وحشتني"
فارقتني
بس بردو لسا روحك جوا مني بتهدني
وحشتني
يعني خلاص صوتك معتش حقي إني أسمعه
وكلامي عنك اللي في قصايدي هبطله
وغيرتي عليك
لمسة إيديك
عشقي لعنيك
كل دا روحك معتش هتفهمه
طب هحكي لي وانت مِسَلم للفراق
عندك سكوت منك إرادي
بيقولي أهلًا بالوداع
طب كيش ملك
ولا مرحبًا باللي باع
مش كنت أنا بنتك حبيبتك
ولا دا كان من زمان
مش كنت أنا روحك وسَكنك
ولا خلاص ساكن جديد جه وسيطر على المكان
مش كنت أنا ناسك وأهلك
ولا انت هاجرت وطنك والسلام
طب هل هتلقى حد تاني يكونلك أمان
يطمنك وقت غضبك
ويحَسِسك بالحنان
ورجفة قلوبنا لما أرواحنا تتقابل
نظرة عينيك
وضحتك
بلسم لقلبي لما كنا نتخانق
بقا يعني دا كله فيلم فيك
كان غرضه إنه إحنا نتفارق
طب دا إزاي وإحنا واحد
ومفيش بينا حاجة أصلًا تتفارق
مش يمكن دا مفرق طريق
وأكيد في أخره هنتقابل.
لـِ داليا محمود.
التصنيف
قصائد
عظمة♥️♥️
ردحذف