ثمن الغربة|"جريدة غزل"

ثمن الغربة

قالوا في بلاد بره بتعمل شوالات فلوس...

 قلت ومالو أروح علشان أقدر أكفي العيال...

 أكل ولبس وتعليم زي الناس...

 أصل كل حاجة بقت بكوام مِن المال...

 والعيال ما بتبص على عيال فلان...

 وبتقولو ليه مش زي فلان...

فسافرت وتركت بلدي...

وزي ما يكون الشغل هناك انشله حتى أغسل الحمامات...

ده دافع دم قلبي في الجواز علشان أسافر...

واشتغلت طباخ وقعدت كام سنة...

ويدوب عملت سقف للبيت وعمرته زي أي بيت...

وقعدت في الغربة ومرت كام سنة مِن غير ما أرجع على بلدي وأشوف السقف إلي أتعمل بمالي...

ولا أقعد قعدة زينة مع عيالي...

وقلت خلاص هروح لعيالي أشتقتلهم قوي...

أصل الحياة هنا تعب وخلاص هجهز وراق السفر راجعلكم ياعيالي...

وهجيب هدايا للقرايب أصله هيسلموا علي لما أرجع مِن السفر...

وبشتغل في شغلي وفجأة أنبوبة فيا انفجرت وخلاص مش هشوفكم للأبد ياولادي...

ويا بلدي بس برده هاجي بس المره دي لابس الكفن...

وشايليني ناس البلد وحتى معيش حق السفر...

ودفعت تمن الغربة حياتي...

ولاعملت شولات فلوس ولا أمنت مستقبل العيال...

مش عارف مِن بعدي هتعيشوا أزاي يا عيالي...

اصلكم بقيتم أيتام.

غادة ياسين