جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
"العيب فيا"
همي أكبر كتير من تفكركم
ودا عيب فيا مش عبكم
أنا إنسان عادي جدًا
وجودي بجد حاجه تتعبكم
بلاش حب وجواز يعني خلاص
شايف الناس بيعرقوا إخلاص
دي يدوب عفش وقايمه
تصقف عمرك وتخليك مداس
ليه شايل هم أكبر من سنك
الكل شافك مثالي ولكنك
متشرفش تكون في حياتهم
حتى لو فيهم حد حبك
دا رأي كل أب خاف على بنتو
شاف فيك داركولا وربمو
ولا حد سأل نفسو على الأسباب
قفلوا الباب رفضين حتى يسمعوا
شافوني كأيب حزين بايخ
ومين شاف القلب الشايخ
القلب داق الغلب بدري
عجز علاج الطب والمشايخ
خلاص الدنيا سواد في سواد
ومكتوب عليا أنا وقلبي نبقى بُعاد
وفي بيني وبينو شرخ
ناتج عن حَبة اجهاد
اعتزلت كل حاجه حتى الصمت
واللسان اللي بيتكلم علمتوا الربط
والقلب اللي كان بيعشق
مات من كتر الخبط
انا بنفسي على نفسي شخبط
وكل خط اعرض من خط
ولا حد هيقدر يفهمني
ولا حد هيقدر يفهمني
انا منهج ممنوع من الصرف
لـِ اياد نصر.
التصنيف
قصائد
