جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
فترة الخطوبه وما فيها
موضوعك اي النهارده؟!
معنديش حاجه محدده، حابب نتكلم ف اي؟!
اممم، ممكن نتكلم عن الخطوبه مثلا!
يووووووه دا الكلام فيها مش هيخلص
لا منا عايز حاجه معينه كدا، الاحضان، والكلام الرومانسي وهكذا يعني!
اهااااا مش تقول كدا ياراجل، شوف ياسيدي، الخطوبه دي المفروض فترة تعارف كل واحد يعرف التاني، إنما صراحه ال بيحصل دلوقتي ده اسمه عك، عك بجد يعني
علي رايك دي بلاوي زرقه دا انا اعرف واحد ك....
اي اي اي بس بس اقطم كدا، ولسانك جوا بوقك ميطلعش، ملناش دعوه ياموهي، متتكلمش ف الأعراض، تمام، تمام.
طب اي رايك بنت بتسال ف خطوبتها خطيبها شالها ولف بيها، هل كدا حرام وهتشيل وزر؟!
ههههههههههههههههههه حرام واحده، دا حرامين اربع حرامات 80 حراماً بالتمييز، ههههههههههههههههههه، هو اي ال حرام بس، سيادتك هو خطيبها ده اي؟!
اي ازاي مش فاهم؟
خطيبها ده زيك كدا سيادتك، يعني غريب يعني لمس ايديها بس لايجوز، ودا شالها ولف بيها، شوف ياأخي كمية المسخره ال ف السؤال، يعني ايه اصلا تسال ده حرام ولا لا، يعني انتي ياكتكوتة ماما مش عارفه اذا كان هو غلط ولا لا!
مايمكن هيا معندهاش حد يوجهها!
بص في حجات بتكون معروفه بالفطره، يعني الإنسان بالفطره ببتولد مسلم، بالفطره البنت بتتكسف، لحد ما بيكون عندها حاجه اسمها، قلة دين وحياء، يعني بيكون عندها كل شئ مباح، لدرجة مبتبقاش عارفه دا غلط ولا صح، هتعرف تميز بين الحلال والحرام، ياأخي الناس دي مش يشوفها غير أنها بتستهزأ بالدين بكل وقاحه، مرحلة الخطوبه دي خط احمر الواحد بيسمع بلاوي بس ربك هو الستير والله،
لكل بنت ف الدنيا، طول ماانتي مغليه نفسك الكل هيشوفك غاليه، لكن اوعي اوعي وحذاري انك تخلي نفسك ليكي سعر، ربنا كرّمك وصانك وحفظك، انتي جوهره بمعني الكلمه، احفظي نفسك يابنت الناس....
بقلم/ هاجر محمد عرفه
التصنيف
اسكريبتات
