جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
ماكنش يخطر ابدا ف بالى
انى اقول انه واحشني
وان الوقت من غيره مابيعديش
وكأن الثانيه ف بعده سبع سنين عجاف
وانا قلبي مش زي يوسف
مش قادر يصبر على البلاء
يوسف كان نبي
اتحبس ف الجب
واصبح حاكم لمصر
وانا قلبي طول عمره مقذوف ف اليم
يوم ما وقف على شط
رسيت انا على شطه
كانت مركبته هى سبيلي لنجاه
وكأن عمري بس دلوقت ابتدا
لون عنيه من كتر اللمعان والحب
مش عارف افسرلها لون
ملامح بنا مشتركه بشكل غريب
وكأن كان ليا ضلع واتقسم نصين
نص سكن جمب قلبي
ونص تاني جمب قلبه
وانا جمبه مش شايفه غيره
وانا ف بعده بدور عليه ف غيره
بس عمري ماكان قصدي خيانه والله
انا قلبي تاب عن الهوا على ايده.
أميرة على عبداللطيف
التصنيف
شعر بالعاميه
