قلوب متشبهناش | "جريدة غزل"

"قلوب متشبهناش"

ولي بنقابل قلوب متشبهناش

ولي نعيش على أمل يادوب نفوق

وميشوفناش! 

واللي قالي في يوم انسى معنى التخلي

وعافري معايا عشان نوصل لحلمي

وتكوني معايا شط لسفنتي 

ونغير قوانين الفراق

ونتعاهد مع الدنيا على الوفاء

ونعمل مع الفراق هدنا

ونعيش نحيي في عهودنا

واكمل وعدي ليكي

واعيش بس عشان ارضيكي

عشان اقدر ابص لعنيكي

من غير كسوف

عشان لما تبقي معايا 

ابقي استاهل النظره لوش بشوش

طلع فشوش

لا انا شوفته 

ولا هو بقى عارف يشوف 

بيبص ليا من غير كسوف

دفعت تمن النظره امتى

 ولا هي بجاحة الوشوش

بلاش!

 يعني اي تخلي؟

ويعني اي افضل جمبك واعافر وحدي

واشيل حمولك على كتفي 

واخفف في آلامي عشان تبقالي 

وانسي الوجع عشان خاطر عيون 

فكرتها ضله فكرتها بوعدها ليا مش هتخون

كنت اول مره اعرف يعني اي كدب العيون

لـِولاء الطحان.