"كلي لها " | "جريدة غزل"

"كلي لها "

كُل اللّي كان بينا 

مِن وقتها للْيوم 

ضحكهْ، ولمسة إيد

نَظرة عيون مليانه كلام 

كُل رُكن ف بِيتْنَا 

فيه زِكريات بتزيد 

القِصه قِصتنا

فْ كُل الفُصُولْ بِيتْنَا 

رَبيع وصِيف شِتَآ وإن حتي كان في خَرِيفْ   

وإنَّ قالوا زِعلوا في يوم 

وإنَّ قالوا شَالوا هُموم 

وإنَّ قالوا بَّان الحزن 

نُقولْ لُهُمْ تَخَارِيفْ

وإنَّ حتي عَدىٰ خريف 

وزاد بَرد الشِتا 

ف دَفانا هو الودّ 

لَمْسةْ إيديها المٕلفوفيّن بالصوف

ف كوفيّه نَسجت حُبها بِالدَفا

ديِّ قَصيده مِتألفه لأجل عُيون

 من كتر تَدقيقها فِ تفاصيل تفرحني 

وملامحي إنّ بان عليها التَعب 

عيون شالت واتحملِت

 واتجملت فَ اتبروزت لأجلي 

عُكاز بيسندني لأٓجل الوصول ليها 

عارف بإنيّ ف وجودها ما بَتسندش غير بيها 

عَدت سنين مِ العُمر

 نِزلت اوراق الشَجر تُحضن بَواقي المَطر 

فَ جيت من بِعيد لأجلها بعد السفر... 

جيت وحَامل لها حُبي وحَنيني 

جيت وحَامل ليالي طوال ما بتقِلش

وهي راضيّه ما بتملِش وشَايله الحُب ف عِينيها 

تَركت بلاد العَالم وجيّت لأرَضيِّها لأجل ارّضِيّها 

وإنَّ سألوا بَعد العُمر "لِسَه بِتْحبهَّا.؟؟ " 

فَ هَقول انا جاي مِنّ أجلّها.. 

والوِد فيَّا لأجلَّها الوَرد في يدي لأجلَّها الحُب كُله لها 

وإن جات عليَّا أنا ف هَكون لمين غير لهَّا....... 

وعجبي 

#شِريـــــــــــــــــــن_رمــــــــــضان"سيما"

كلي لها