"هانت عليك"|"جريدة غزل"

هانت عليك

هانت عليك... 

واحده شكلها من برا خايفه.م الدنيا...

 ف الاصل خايفه من عينيك... 

هيقولوا إيه.؟؟ 

عن لبسها..؟! عن شكلها!؟ 

عن ضحكه ضحكتها مره من قلبها..؟! 

أو عن طريقتها.؟!وإسلوبها يعني ف سنها؟!.. 

... هانت عليك... 

عشان مش اختك 

اللي لو ماشيه معاك لو حد بس بصلها.. 

تقربلك تمسك إيديك... 

أنا عارفه ليه... هانت عليك.. 

ــــــــــ هانت عليك ـــــــــــ

عشان مفكرها تشبهك في الطبع.. 

ولأن طبعك الخيانه منك سلالة ضبع... 

بيخون حتي عشيرته وقت الشبع قبل الجوع... 

خايف من خيانته ولاكنه بيأكدها ويبرر بكلام مسموع.. وإنت تخاف تنام تصحي تلقاها بتحب غيرك ومش فكراك خايف إنها تنساك.... 

ـــــــــــ هانت عليك ــــــــــــــــــ

عشان كسرت قلب غيرها.. 

 ف خايف إنها تكسرك.. 

ف كل ثانيه بتكلمها عايز تعرف خط... سيرها خايف تطلع زي غيرها.. 

وتحاول إنها تغيرك..

أو بتصرفاتها علي حبها تجبرك.... 

عشان كدا عقلك بيفهمك ان كل حاجه منها... بتهون عليك.. زي بسمتها اللي بتفرحك ضحكتها اللي بتسهرك... لمسه إيديها ولون عينيها اللي كل ما تشوفوا في عيون غيرها بعيونها يفكرك.... 

ف تغمض عينك وتفكر نفسك إنها كمان زي غيرها هيجيلها يوم وهتخسرك... عشان 

ـــــــــــــــ هانت عليك ـــــــــــــــــــ

هانت وهان حبها طب ليه م الأول عشمتها   بإن قلبك دا لها... هييجي يوم تحبها... 

كدبك خلاها تحس بإنك ملكها زي ما هي ملكك ف بكل أمرها بتختار إنها تسلم لك.. 

            بتهون عليك.       

 رغم انك لسه فاكر كل حاجه قالتها ليك... 

فاكر إسلوبها.... وعينين فيها طيبه وحنيه  فيها لهفه مصحوبه بخجل.من شوقها إليك

فاكر لخبطتها.. كركبتها مع الهوا  تأتاىٕتها اللي بتتخبط مع كسوفها.. لما كانت صدفه

تلاقيك قدامها فتسرق نظراتها منها لعينيك... 

ـــــــــــــــ هانت عليك ـــــــــــــــــــــــ

ف خايف بعدها عنك يكسرك... 

عشان كدا بتخسرها قبل ما تخسرك... 

ف بتشيل عينك من عينيها... 

بتشيل إيدك من إيديها... 

وتبعدها بعيد عنيك... 

وتزلها ف لجؤها إليك.... عشان 

•••••• هانت عليك•••••••

شِـــــــــرين_محمد_رمضـــــــان"سيما"