تليفزيون قديم|"جريدة غزل"

تليفزيون قديم

تليفزيون قديم، والحب كان لسه بخيره.

تليفزيون قديم، وحكاوي للصبح مبتخلصش.

مع أقرب الناس تحلى السهرة للصبح.

وصوت الضحك بيسمع في البيوت اللي حوالينا.

تليفزيون قديم، والحب كان لسه بخيره.

بقى حديث، وظهر غيره، و الحب قل خيره.

بقت الجَمعة بتتأجل ليوم ورى يوم، ومبتحصلش.

وقلوب الناس بقت جافيه، بقت سوده عاللي حواليهم.

زمان كان الوِد أولى، وجاري شايل معايا حمل تقيل.

دلوقتي بقى جاري هو اللي تقيل، وسئيل.

زمان كان للبنت عوره، والعيل راجل بيغير على أهل بيته.

دلوقتي كونك راجل عيب، وميصحش، وخليك استايل.

زمان كانت الناس محترمة.. 

دلوقتي الإحترام بقى ذليل، والمحترمين متهانين.

زمان كانت صلاة الجمعة أساس. 

دلوقتي أساس المسجد ما بينداس.

تليفزيون قديم، والحب كان لسه بخيره.

تليفزيون قديم، والحب موضة جَار عليها الزمن.

فاطمة ربيع