
جريدة غزل
الوصول صعب ولكن معًا نستطيع. .. جريدة غزل لدعم الكُتاب عن طريق نشر كتاباتهم بأنواعها لتصل إلى القُرَّاء بسهولة، لمؤسستها سها عبد النبي، تحت إشراف تطبيق وجريدة لَحْظة.
بعتيني ليه وحبك غلاب
داب القلب واخترتي الغياب
ده أنا قولت ماليش غيرك
بس كتر ألف خيرك
مليون سلام وسلام
على قلب باع
ونسي
حتى يقول كلمة وداع
حبيتك وكنتى سراب
وقلبي فيكى داب
ليه قلبك أنتِ غاب
ده ملعون الغياب
مكنتش جميل يعنى
يعنى عشان اتحب
ولا مكنتش غنى مثلا
بس فى الحب
مفيش أي حاجه من دول
ليه يا حبيبتي قلبك يخون
بس أنتِ بالنسبالي ماضي وفات
وخلاص هنسي كل الذكريات
واكدبى وقولى إللي حبيته مات
كنت بتمنى تكوني ليا
وتكونى في بيتي
تكوني بنتي وصحبتي وأغلى ما ليا
طيب ليه كنتِ غبية
وكنت أنا وقلبي الضحية
ملعون الحب اللى حبيته ليكِ
وأنسى فى يوم أكون شاريكِ
كانت غلطة ومش أكتر
همسك قلبي وفيه هكسر
هما كانوا غلطتيين ف حياتي
أولهم أني حبيتك
وتانى حاجه سميتك ملاكي
كنت فاكرك حبتيني
بس قلبك
كان كافر
كان ناكر
وموتيني
وبأيدك دفنتيني
يا حلوه خلاص انسيني
قلبي حبك
بس على قد
حبى كرهك
كنت عاشق تفاصيلك
ايوه كنت عاشق تفاصيلك
بس غدرك كان كبيرك
ملعون حبك كان عاميني
وانتى عشقك تستغبينى
قلبي كان أهلك وكان ناسك
ملعون ياستي إحساسك
وملعون قلبي إللي حابك
ده كان عاشقك
وعاشق تفاصيلك
وأنا غبي وصدقته
وعقلي أنا كدبته
وهقولك تاني
ويوماتي
ملعون قلبي إللي حبك
بسهر الليل مع صورك
وباعتبك على الجرح
إللي سببتيه لقلبي
ده كان بيتمنالك الفرح
وكان بيقول دي ست البنات
ملعون الفتات
إللي باقي من حبك
بس أنا حبيت بعدك
وقلبي أتعود على بعدك
سكنتي القلب
وحبك غلاب
مات القلب
واختارتي الغياب
وملعون قلبى إللي حبك.
بقلم: أميرة الحصري
التصنيف
شعر عامي
عاااش استمري بالتوفيق ي قلبى ♥️♥️♥️✨
ردحذفعاش شاعرت المستقبل 😍 ♥️ ❤️ 💙
ردحذف