صدفة اللقاء |"جريدة غزل "

صدفة اللقاء

*انا فؤادى أصبح معقود بكِ مثلما حبات المسبحة معقودة ببعضها البعض وعقلى لا يستطيع التفكير إلا بكِ ف قد أتيتِ وأحتليتِ فؤادى يا نبض الفؤاد*

_ سبحة تانى يا أسماء 

_ اصل دى الحاجه الوحيدة الى بتفرحنى ان أنزل اشترى سبحة جديدة  وبعدين يا ماما مش معنى ان فى إجازة مش أنزل اشترى سبحة واروح ساحة المسجد ألعب مع القطط 

_ يا بنتى دا انتِ كل فلوسك ضايعه يا على السبحة يا على الورد 

_ مش مهم ، المهم ان بفرح لما بشتريهم بفرح اووى اووى 

_ ربنا يهديكِ ويكملك بعقلك يارب 

_ يارب انا ها انزل بقا عشان مش أتاخر 

_ خلى بالك من نفسك ي بنتى وخلى بالك من العربيات وامشى جمب الحيطة 

_ *السبحة بالنسبالى كل حياتى بفرح لما بقعد أسبح عليها مجرد بس ما أشوف سبحة جديدة بفرح والورد دا السلام النفسى ليا بحب يكون جمبى ورد طول الوقت طول اليوم بحس براحه ومجرد ما أشم ريحته بحس طايرة فى السماء زى العصافير بحس ان واقفه فى حديقه كلها ورد تشبهنى* 

أسماء : السلام عليكم ورحمه الله وبركاته ، إزيك يا عم إسماعيل 

عم إسماعيل : وعليكم السلام ورحمه الله وبركاته ، الحمدلله إزيك يا أسماء  يا بنتى فينك  من زمان مختفيه كدا ليه 

أسماء : الحمدلله يا عم أسماعيل اهو مش خرجت بقا من زمان بعد ما اخدت الاجازة ،، المهم طمنى عليك أنت اخبارك اى وصحتك 

عم إسماعيل : الحمدلله على كل حال فى فضل ونعمه 

أسماء : طب جهزلى الورد بتاعى الى باخدة منك كل مرة 

عم إسماعيل: دقايق يا بنتى ويكون جاهز " *أجمل لحظات حياتى وأسعد أوقات حياتى لما بروح أشترى ورد الى بيكون بوكيه ورد صغير فى ورد بلدى ورد أبيض ورد أحمر مليان بهجة وفرحة* " 

عم إسماعيل : اتفضلى يا بنتى طلبك جهز 

أسماء : شكر يا عم إسماعيل 

عم إسماعيل : الشكر لله يا بنتى 

أسماء : السلام عليكم ورحمه الله وبركاته

عم حسن : وعليكم السلام ورحمه الله وبركاته 

أسماء : إزيك يا عم حسن 

عم حسن : الحمدلله بخير انتى اخبارك اى 

أسماء : الحمدلله بخير 

عم حسن : انا جبتلك سبحة جميلة وشايلها مخصوص ليكى مستنى اى يوم تعدى وتاخديها ليكى 

 أسماء بفرح شديد لايوصف: بجد يا عم حسن فين هى انا فرحت جدا متشوقة  أشوفها 

عم حسن : دقيقه وتكون قدامك 

أسماء : الله بجد اى الجمال دا الله يجزايك كل خير يا عم حسن والله 

*السبحة لؤلؤ وأشاعة الشمس لما جت عليها زادتها جمال ولونها أزرق بس زى لون السماء وكل حبه منها معقودة بشكل جميل فوق الوصف* 

وكالعادة روحت ساحة المسجد " دا مكان جمب المسجد فى ورد وشجر وزرع مكان للأطفال بس جميل جدا " أخدت السبحة وبوكيه  الورد  وقعدت على كرسى  جمب شجرة بحبها هناك وطلعت دفتر مذكراتى وقعدت ألعب مع القطط الى بحبها اول ما شافونى طلعو على الترابيزة بسرعه كبيرة   إعتراف بسيط *من يوم ما قلبى أتعلق بالورد والسبحة وانا كل حاجه فيا اتغيرت ببدأ يومى بأبتسامة لطيفة تحلى اليوم وبيكون كل تفكيرى خير وإيجابى وبخلى كل الى معايا فرحانين* 

بدأت أكتب فى الدفتر بتاعى عشان انا بحب الكتابة جدا جدا وبحب أخلد ذكرياتى فيها كتبت فى أولها كل المعلومات عنى وبعدين كل الذكريات الجميلة الى مرت عليا بدأت أكتب ...

7/10/2021

_ ماذا لو كان النصيب أشبه بالورد فى بهجته التى تعم فرح وسرور فى أماكن تواجده أو أشبه بسبحتى التى تنير لى فؤادى وتنير لى طريقى؟!  

_ قبل ما أخلص كلام كان العصر بيأذن وكان صوت المأذن جميل بشكل سبحان الله فضلت مركزة مع صوت المأذن وانا بردد الأذان وراه وبعد ما ألأذان خلص وصليت العصر بمصلى السيدات كان فى بنات كتير هناك وكان فى سيدات وكنا بنصلى ورا الأمام وهو صوته نفس صوت المأذن كان بيقراء  آيات القرآن الكريم بتدبر وخشوع كنا بنبكى من القراءة 

_بعد ما خلصنا صلاة طلعت قعدت مكانى مرة تانيه وفجأة الموبايل رن قبل ما أكمل .....

أسماء : السلام عليكم ورحمه الله وبركاته نعم يا ماما 

ماما: وعليكم السلام ورحمه الله وبركاته ايوا يا أسماء تعالى البيت بسرعه  أختك جت من العمرة دلوقتى تعالى بسرعه سلمى عليها  

أسماء بفرحه: بجد انا جاية حالاً 

_ بقيت بشيل فى حاجتى وانا متشوقه جدا إنِ  أوصل البيت فى أسرع وقت ممكن  " منكرش انا واختى بنتخانق طول الوقت  بس خناقات عادية زى اى أخوات بس وحشتنى جدا بعد ما سافرت تعمل عمرة مع زوجها فى اول أسبوع بعد الزواج طلعو يعملو عمرة عشان يبدأو حياتهم وتكون كلها خير وبركه مع بعض .. بس من يوم ما إتجوزت و سافرت وانا حاسه بشئ ناقصنى ، كنت مفتقدة وجودها جدا ، بس بعد ما جربت بعدها بقيت مستعدة ان أعوضها عن كل خنقاتنا ضحك وهزار ومش اتخانق معاها أبداً طول حياتى بس إنها تفضل معايا وجمبى ونس ليا طول الوقت"

_ وصلت البيت وحضنتها جامد جدا من فرحتى لما شوفتها وعيطت فى حضنها وفضلنا طول اليوم بنعمل الحاجات الى بنحبها وبنضحك وبنهزر مع بعض لحد ما نمنا  بليل لان  هى وزوجها كانو بايتين عندنا عشان اول زيارة ليها_ تانى يوم صحيت بدرى عن معادى _ 

_ ماما انا ها أنزل أشترى ورد سما من الى هى بتحبه لحد ما تصحى 

ماما : ماشى يا حببتى 

" نزلت أشتريت الورد وقعدت فى ساحه المسجد شوية عشان دا اكتر مكان بكون فى مرتاحه بفتح الشنطة بتاعتى عشان أطلع الدفتر ملقتهوش....يا الله فين الدفتر بتاعى ؟! كان فاضل دقيقه وها اقعد اعيط هناك 

_ حضرتك بتدورى على الدفتر دا ؟! 

_ إنت جبتها منين ؟! وازاى أخدتها ؟! ومين الى أداك الحق تاخدها وإزاى .....

_ أهدى أهدى هفهمك كل حاجه إمبارح بعد صلاة العصر كنت قاعد على الكرسى الى جمب الشجرة من الجانب التانى لاقيتك قومتى بسرعه ومش أخدتيها وطلعتى بسرعه من هنا ف أحتفظت بيها لما حد ما أشوفك هنا تانى ..

_ آسفة لحضرتك  من كتر إحراجى مش أستنيت يرد حتى أخدت الدفتر ومشيت بسرعه وصلت البيت وكانت أختى  إسراء صحيت وإتفاجئت بالورد وفرحت بيه جدا وقعدت فطرت مع الكل وبعدين دخلت أوضتى وطلعت الدفتر وأول ما فتحتها لاقيت فيها ورد حلوة مجففه وكل حاجه زى ما هى بس وصلت أخر صفحه لقيت مكتوب فيها ....

7/10/2021 

_ ماذا لو كان النصيب أشبة بالورد فى بهجته التى تعم فرح وسرور فى أماكن تواجدة أو أشبة بسبحتى التى تنير لى فؤادى وتنير لى طريقى ؟! 

*انا فؤادى لى حُب الورود مفتون وانا فؤادى لما رأكِ نظر إليكِ وكأنكِ ورد وقد مال فؤادى مثلما مال للوردِ* 

_ إستغربت وإضايقت ازاى يكتب فى دفتر مش بتاعه ؟ وليه؟ ويقصد اى ؟! 

فضلت أفكر كتير لحد ما لقيت ماما داخله جاهزة الأوضة وبتقولى البسى أكتر فستان بتحبيه فى واحد واهله جايين كمان ساعه يقعدو مع ابوكى عشانك 

_ اتصدمت وساعه انتى بتعرفينى متاخر اووى لسا ها اكوى الخمار والنقاب والفستان متاخر اووى 

_ ماما لا مش متاخر كل حاجه جاهزة وفستانك الأزرق موجود فى الدولاب مكوى والخمار والنقاب وكل حاجه جاهزة 

_ قومت لابست وخلصت والضيوف دخلو وبعدين انا دخلت بالعصير وكان فى ورد من الى بحبه لونه أزرق وعلبة شيكولاتة وفى جواب مكتوب فى نص الورد قام الضيف ( العريس) وادانى الحاجات دى وانا كانت باصه فى الأرض جه الوقت الى ها نقعد فى مع بعض 

_ هو فضل قاعد هادى جدا 

_ انا فضلت قاعدة بسبح على ايدى 

_ أتكلم وقال انا مصطفى 

_ انا أسماء تشرفت بحضرتك 

_ دا انا الى ليا الشرف ان قاعد مع حضرتك يا أستاذة أسماء انا دكتور جراحه ومعيد فى كلية طب بشرى 

_ اللهم اما بارك ربنا يوفقك يارب وانا فى كلية علوم قسم كيمياء 

_ ربنا معاكى ويوفقك ويسهلك كل صعب ويسدد خطاكى يارب العالمين 

_ عرفنا كل حاجه عن بعض  

_ فاكرة يوم ما نسيتى الدفتر بتاعك انا كنت المؤذن والأمام للمسجد يومها بحب اليوم الى بكون فاضى فى انزل اصلى بالناس وأذن وبفضى نفسى أوقات كتير عشان كدا شوفت حضرتك يومها حسيت ان مشدود ليكى لدرجه كبيرة بقيت قاعد بدعى ربنا ان أحاول اوصلك عشان أخطبك وربنا أستجاب وقاعد معاكى دلوقتى : صحيح فيه جواب موجود في الورد خليه معاكي مش تفتحيه لحد العِقد   

أسماء : انا مصدومة كان نفسى أعرف مين المؤذن والأمام مكنتش عارفه أعمل اى من الفرح

قعدنا فترة مخطوبين نفذنا طبعا ضوابط الخطوبة وكان خير مُعين وعرفت ساعتها قد ايه هو حنين وحسيت أنه هو اختيار ربنا سبحانه وتعالى ليا 

وحددنا العقد 

واول ما المأذون قال " بارك الله لكما وبارك عليكما وجمع بينكما في خير" 

وبعد المُباركات دخل الاوضة بتاعتي واول ما شافني حسيت ف عيونه لمعة حب ودفا وأخدني ف حضنه وتبت فيا وساعتها قرأنا الجواب سوا وانا إيدي متبتة ف إيده 

 لاقيت مكتوب فى *انا فؤادى أصبح معقود بكِ مثلما حبات المسبحة معقودة ببعضها البعض وعقلى لا يستطيع التفكير إلا بكِ ف قد أتيتِ وأحتليتِ فؤادى يا نبض الفؤاد ‏وإنك يقيني ، اليقين الذي لا يتخلَّلهُ شك، وأعلم أنني حين عرفتك أدركتُ معنى أن يكون للإنسان روحًا بعيدةً عنه؛ لكنها أقرب إليه من كل شيء أتخيّلكَ وأختم خيّالي ب إبتسامك التى تفرح فؤادى يا جميلتى يَخرجُ جمالُكِ عن السَيطرة فـِ كُل مرةٍ أتخيلكِ بها  فليس للروحِ غير الروحِ من سكن، وليس للقلبِ إلّا أنتِ*  

بعد ما خلصنا قراءة الجواب بصيت لعيونه وقولتله 

 _*أنا قلبى لى حب الورود ميِّال ، وانا قلبى لقلبك لما شافك ورد مال* 

هايدى مدحت